Billboard og Buzz

Billboard umhverfismiðlar laga sig að þínum þörfum, hvort sem þær tengjast uppbyggingu vörumerkja, þar sem endurtekning skilaboða yfir langan tíma skiptir mestu máli, eða markaðssetningu til skemmri tíma, þar sem öllu skiptir að fá fólk til að bregðast hratt við. Þín markmið skipta okkur máli og við hjálpum þér að ná þeim. Umhverfismiðlar eru áhrifaríkur og hagkvæmur auglýsingakostur sem býður upp á ótal tækifæri til að ná til neytenda á ferð um höfuðborgarsvæðið og nágrenni. Fólk fer oftast sömu leiðirnar og rannsóknir sýna að neytendur sem sjá sama vörumerkið endurtekið eru líklegir til að velja það umfram önnur. Dreifing um allt höfuðborgarsvæðið gefur því möguleika á mikilli dekkun – og tíðni á stuttum tíma.

Vinnustaðurinn

Ert þú söludrifinn einstaklingur?

Billboard og Buzz umhverfismiðlar leita að öflugum og drífandi einstaklingi til að styrkja söludeild fyrirtækisins.
Við leitum að harðduglegum og metnaðarfullum viðskiptastjóra sem tekur ábyrgð á eigin verkefnum og hefur metnað til að ná árangri í starfi. Starfið felur í sér náið samstarf með markaðsstjórum og stjórnendum fyrirtækja og finna með þeim leiðir til að láta auglýsingamiðlana Billboard og Buzz skila sem bestum árangri í þeirra markaðsstarfi.
Ef þú brennur fyrir sölu og átt auðvelt með að leita tækifæra og lausna, þá gæti þetta starf hentað þér.

Helstu verkefni og ábyrgð

Auglýsingasala til fyrirtækja í gegnum símtöl og fundi
Að afla nýrra viðskiptavina sem og að styrkja núverandi viðskiptasambönd
Umsjón með auglýsingaáætlunum viðskiptavina
Útfæra góðar hugmyndir með viðskiptavinum

Menntunar- og hæfniskröfur

Menntun sem nýtist í starfi er kostur
Gott vald á íslensku og ensku, bæði í tali og riti
Góð almenn tölvukunnátta
Framúrskarandi færni í mannlegum samskiptum
Heiðarleiki, stundvísi og reglusemi
Reynsla og áhugi á íslenskum auglýsingamarkaði er kostur

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Billboard og Buzz er dótturfyrirtæki Símans og nýtir styrk þess til þess að ná markmiðum sínum, að öðru leyti er það sjálfstætt í sinni vegverð. Hjá Símanum og dótturfélögum starfa um 300 einstaklingar sem hafa metnað og þekkingu til að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 22. júní 2025.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Auglýsing birt5. júní 2025

Umsóknarfrestur22. júní 2025

Tungumálahæfni