Laus störf Hæfnileit Vinnustaðir Námskeið

Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

Vinnustaðurinn

DevOps sérfræðingur

SEÐLABANKI ÍSLANDS óskar eftir að ráða metnaðarfullan og þjónustulundaðan einstakling í starf DevOps sérfræðings í deild þróunar á sviði upplýsingatækni og gagnasöfnunar.

Sviðið sér um þróun, rekstur og viðhald á tölvukerfum, gagnaumhverfi og hugbúnaði bankans. Deildin samanstendur af teymum hugbúnaðarsérfræðinga, sérfræðinga í gagnasamþættingu og DevOps. Við leitum nú að sérfræðingi í DevOps teymið til að vinna að umbótum í þróunar- og rekstrarumhverfi hugbúnaðarlausna okkar.

Menntunar- og hæfniskröfur

Menntun sem nýtist í starfi, t.d. á sviði kerfisreksturs, tölvunarfræði eða verkfræði

Reynsla af hugbúnaðarþróun og/eða kerfisrekstri

Reynsla og/eða þekking á Microsoft umhverfi (SQL, IIS, o.fl.) er kostur

Reynsla af innleiðingu eða nýtingu DevOps aðferðafræði ásamt CI/CD flæði er kostur

Þekking á Oracle gagnagrunnum er kostur

Þekking á uppsetningu vöktunar á tölfræði um afköst, notkun og atvik er kostur

Þekking á skriftumálum, t.d. PowerShell, Python eða öðrum skriftumálum er kostur

Lipurð í mannlegum samskiptum og hæfni til að starfa sjálfstætt og í hóp

Helstu verkefni og ábyrgð

Innleiða og styðja við vöktun á afköstum, notkun og villum í kerfum Seðlabankans

Móta skilvirka ferla í þróun og viðhaldi hugbúnaðar í samstarfi við hagsmunaaðila (CI/CD flæði)

Styðja við rekstur og framþróun á viðskiptakerfi bankans

Efla útgáfustjórnun og auka sjálfvirkni í útgáfu hugbúnaðarlausna

Efla sjálfvirkar prófanir á hugbúnaði og gögnum

Nánari upplýsingar um starfið veita Elín Rut Guðnadóttir, forstöðumaður á sviði upplýsingatækni og gagnasöfnun ([email protected]) og Erla Traustadóttir, sérfræðingur á mannauðssviði ([email protected]). Umsóknarfrestur er til og með 1. febrúar.

Um er að ræða 100% starfshlutfall með starfsstöð í Reykjavík. Sótt er um starfið á heimasíðu Seðlabanka Íslands, www.sedlabanki.is/storf. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Hjá Seðlabankanum starfar öflug liðsheild í metnaðarfullu og hvetjandi starfsumhverfi þar sem áhersla er lögð á sveigjanleika, fagmennsku og þekkingu.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Auglýsing birt20. janúar 2023

Umsóknarfrestur1. febrúar 2023

Tungumálahæfni

Engar sérstakar tungumálakröfur

Staðsetning

Kalkofnsvegur 1, 101 Reykjavík

Starfstegund

Hæfni