Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Deildarstjóri mannauðsdeildar

Landspítali auglýsir eftir öflugum einstaklingi, með mikla reynslu af mannauðsmálum, til að leiða mannauðsdeild spítalans og byggja upp sterka liðsheild. Á deildinni er unnið að mótun og innleiðingu mannauðsmála þvert yfir spítalann. Mannauðsdeild ber jafnframt ábyrgð á stjórnendaþjálfun, verklagi við ráðningar, starfsumhverfiskönnunum og umsjón með miðlægri heilsuvernd starfsfólks. Þá sinnir deildin móttöku nýliða, fræðslu og ýmsum umbótaverkefnum á sviði mannauðsmála. Um 23 stöðugildi í þremur teymum starfa á deildinni og tilheyrir hún rekstrar- og mannauðssviði. Næsti yfirmaður er framkvæmdastjóri rekstrar- og mannauðssviðs.

Við leitum að drífandi og metnaðarfullum leiðtoga sem brennur fyrir hlutverki spítalans, býr yfir djúpstæðri þekkingu og reynslu í mannauðsmálum og er reiðubúinn að taka að sér krefjandi og áhrifamikið hlutverk. Starfið kallar á mikið frumkvæði, stefnumótandi hugsun og framúrskarandi samskiptahæfni

Starfshlutfall er 100% og er starfið laust eftir samkomulagi.

Menntunar- og hæfniskröfur

Háskólamenntun sem nýtist í starfi; viðbótarmenntun í mannauðsstjórnun eða sambærileg menntun æskileg

Árangursrík reynsla af stjórnun á sviði mannauðsmála

Reynsla af stefnumótun, mönnun og þróun starfsumhverfis

Leiðtoga- og skipulagshæfni

Frumkvæði og metnaður til að ná árangri í starfi

Jákvætt lífsviðhorf, örugg framkoma og framúrskarandi samskiptahæfni

Þekking og reynsla af opinberri stjórnsýslu er kostur

Góð íslensku- og enskukunnátta ásamt hæfni í tjáningu í ræðu og riti

Helstu verkefni og ábyrgð

Rekstur og stjórnun deildar

Fagleg forysta og stefnumótun á sviði mannauðsmála

Umsjón með heilsu- og vinnuvernd starfsfólks

Umsjón nýliðamóttöku ásamt fræðslu til nýs starfsfólks

Umsjón með stjórnendaþjálfun

Umsjón með starfsauglýsingum, ráðningakerfi, verkferlum og úttektum

Umsjón með starfsumhverfiskönnunum, stjórnendamati og eftirfylgni þeirra

Þátttaka í miðlægum verkefnum þvert á spítalann

Samskipti við ýmsa ytri aðila

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Tungumálahæfni: íslenska 5/5, enska 4/5

Starfsmerkingar: Stjórnunarstörf, deildarstjóri, mannauðsstjóri, mannauðsráðgjafi, starfsmannastjóri, mannauðsdagurinn

Nánari upplýsingar

Gunnar Ágúst Beinteinsson, [email protected],

Árný Ósk Árnadóttir, [email protected],

Mannauðsdeild

Skaftahlíð 24

105 Reykjavík

Auglýsing birt28. maí 2025

Umsóknarfrestur10. júní 2025

Tungumálahæfni

Íslenska

Nauðsyn

Framúrskarandi

Enska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (46)