Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Deildarstjóri í Glerárskóla á Akureyri

Í Glerárskóla er laus til umsóknar 100% ótímabundin staða deildarstjóra.

Ráðið verður í stöðuna frá 1. ágúst 2025.

Deildarstjóri starfar í þriggja manna stjórnunarteymi skólans við daglega stjórnun innan skólans og veitir faglega forystu í öllu skólastarfi Glerárskóla.

Í Glerárskóla eru rúmlega 300 nemendur og um 60 starfsmenn.

Glerárskóli vinnur samkvæmt hugmyndafræði jákvæðs aga og Olweusar. Skólinn er Grænfánaskóli og stundar úti- og grenndarkennslu auk þess að leggja áherslu á læsi, leiðsagnarnám og teymisvinnu. Auk þess er Glerárskóli Erasmus+ vottaður skóli. Glerárskóli er hnetulaus skóli.

Stoðþjónusta Glerárskóla er gríðarlega öflug og fagleg en það styrkir allt skólastarf í þágu nemenda.

Einkunnarorð skólans eru HUGUR-HÖND-HEILBRIGÐI

Viltu vita meira? Kíktu í rafræna heimsókn www.glerarskoli.is

Leitað er að einstaklingi með mikinn metnað, sem sýnt hefur árangur í störfum sínum og sem leggur áherslu á vellíðan og árangur nemenda og starfsfólks í samstarfi við aðra stjórnendur skólans.

Helstu verkefni og ábyrgð

Veitir faglega forystu í öllu skólastarfi og skólaþróun.
Vinnur að mótun og framkvæmd faglegrar stefnu skólans.
Er í öflugu samstarfi við kennara, starfsfólk, nemendur og forráðamenn.
Fer fyrir daglegu skipulagi í skólastarfi og er næsti yfirmaður kennara og starfsfólks skóla.

Menntunar- og hæfniskröfur

Kennaramenntun og réttindi til kennslu í grunnskóla.
Farsæl reynsla af kennslu í grunnskóla er æskileg.
Farsæl reynsla af stjórnunarstörfum, helst í skólakerfinu, er æskileg.
Vald á fjölbreyttum kennsluaðferðum sem taka mið af þörfum, áhuga og getu nemenda og hæfni til að miðla þekkingu sinni ásamt því að styðja kennara í starfi.
Reynsla af þróunarstarfi og faglegri forystu.
Reynsla og þekking af teymisvinnu og uppeldisstefnunni Jákvæður agi.
Mjög góð þekking á leiðsagnarnámi og hæfni til að leiða innleiðingu.
Góð tækniþekking og hæfni til að nýta hana í skólastarfi.
Þekking á innra mati og hæfni til að leiða innra mat í skólanum.
Áhugi og metnaður fyrir að vinna að og framfylgja stefnu skólans.
Áhugi og metnaður til að leita nýrra leiða og framþróunar í skólastarfi auk þess að efla hefðir í skólastarfi Glerárskóla.
Góð þekking á kennslu- og uppeldisfræði.
Góð íslensku- og enskukunnátta í ræðu og riti.
Frumkvæði, víðsýni og samstarfsvilji.
Góðir skipulagshæfileikar, sveigjanleiki og hæfni í samskiptum.
Metnaður til að ná árangri í starfi fyrir hönd Glerárskóla.
Reglusemi, stundvísi og samviskusemi.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja afrit af leyfisbréfi og greinargóð skýrsla/ferilskrá um fyrri störf umsækjanda, menntun, kennslu – og stjórnunarreynslu og þau verkefni sem viðkomandi hefur unnið að og varpað geta ljósi á færni til að sinna starfi deildarstjóra.

Þá skal fylgja umsókninni greinargerð um hugmyndir umsækjanda og sýn á starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Skólastjórafélags Íslands.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Eyrún Skúladóttir skólastjóri [email protected] og/eða í síma 461-2666.

Einungis er tekið á móti rafrænum umsóknum.

Umsóknarfrestur er til og með 23. mars 2025

Auglýsing birt28. febrúar 2025

Umsóknarfrestur23. mars 2025

Tungumálahæfni