Deildarstjóri fagstarfs
Við leitum að framsæknum einstaklingi sem hefur færni til að leiða faglegt starf skólans í öflugu stjórnendateymi. Deildarstjóri fagstarfs gegnir mikilvægu hlutverki við að móta góðan skólabrag og samstarfsvettvang skóla og samfélags. Deildarstjóri tekur þátt í mótun framtíðarstefnu skólans í samræmi við aðalnámskrá, menntastefnu Reykjavíkurborgar og hugmyndafræði skólans.
Fossvogsskóli er hverfisskóli staðsettur í Fossvogsdalnum þar sem eru greiðar göngu- og hjólaleiðir í ein fallegustu útivistarsvæði borgarinnar; Elliðaárdalinn og Nauthólsvíkina. Nemendafjöldi er um 350 í 1. – 7. bekk og starfsmenn eru rúmlega 50.
Fossvogsskóli hefur á að skipa öflugu starfsfólki. Hann er þátttakandi í Grænfánaverkefni Landverndar og verkefni um Heilsueflandi grunnskóla og vinnustaðar. Í skólanum er unnið með læsi á fjölbreyttan máta og byggt er á teymiskennslu og samvinnu kennara. Fossvogsskóli vinnur í anda Uppeldis til ábyrgðar og áhersla er á verk- og listgreinar, útivist og fjölbreytt og sveigjanlegt skólastarf.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir hennar endurspegli það margbreytilega samfélag sem hún er.
Umsækjendur eru beðnir um að sýna fram á í kynningarbréfi og ferilskrá hvernig þeir uppfylla hverja hæfniskröfu. Þeir umsækjendur sem uppfylla best allar hæfniskröfur og sýna fram á það með skýrum hætti í umsókn sinni verða boðaðir í viðtal.
Laun eru samkvæmt samningi Sambands íslenskra sveitarfélaga og KÍ v/ Skólastjórafélags Íslands.
Nánari upplýsingar um starfið veitir María Helen Eiðsdóttir, skólastjóri í síma 411-7570 og tölvupósti maria.helen.eidsdottir@rvkskolar.is
- Annast utanumhald um nám, skimanir og kennslu í samstarfi við umsjónarkennara, deildarstjóra stoðþjónustu, skólastjóra og aðstoðarskólastjóra.
- Vinna náið með stoðþjónustuteymi skólans að heill og farsæld nemenda.
- Vinna að samfellu í námi á milli yngsta stigs og miðstigs grunnskólans í samstarfi við deildarstjóra stoðþjónustu, skólastjóra og aðstoðarskólastjóra.
- Vinna að þróun og mótun skólastarfs ásamt stjórnendateymi og samstarfsfólki.
- Stuðla að velferð nemenda í samstarfi við foreldra, umsjónarkennara, skólastjórnendur og annað fagfólk.
- Vera teymisstjóri varðandi stefnu skólans.
- Starfa samkvæmt stefnu skólans og vera hluti af teymum með samstarfsfólki.
- Annast utanumhald og leiðsögn meðal nýliða í kennarastarfi og kennaranema.
- Leyfi til að nota starfsheitið grunnskólakennari og kennslureynsla í grunnskóla.
- Menntun á sviði stjórnunar og starfstengdrar leiðsagnar æskileg.
- Reynsla á sviði stjórnunar og faglegrar forystu í menntastofnun.
- Afbragðs færni í samskiptum við nemendur, foreldra og samstarfsfólk.
- Frumkvæði, leiðtogahæfni og góðir skipulagshæfileikar.
- Sveigjanleiki í samskiptum, samstarfi og faglegu starfi.
- Faglegur metnaður og áhugi á að starfa með börnum.
Íslenska
