Heilbrigðisstofnun Vestfjarða

Á Heilbrigðisstofnun Vestfjarða starfa um 250 manns sem veita almenna heilbrigðisþjónustu á heilsugæslu-, hjúkrunar- og sjúkrasviði. Heilsugæslustöðvar eru á Ísafirði og Patreksfirði og heilsugæslusel í öllum byggðakjörnum heilbrigðisumdæmisins.

Vinnustaðurinn

Deildarstjóri framkvæmda og rekstrar á HVest Patreksfirði

Við leitum að metnaðarfullum, jákvæðum og framsýnum leiðtoga í starf deildarstjóra framkvæmda og rekstrar á Heilbrigðisstofnun Vestfjarða á Patreksfirði. Deildarstjóri framkvæmda og rekstrar heyrir undir framkvæmdastjóra fjármála og rekstrar, situr í rekstrarstjórn og tekur þátt í formlegu starfi deildarstjóra hjá Heilbrigðisstofnun Vestfjarða.

Heilbrigðisstofnun Vestfjarða er metnaðarfullur vinnustaður þar sem um 270 manns starfa á fjórum megin starfsstöðvum. Þar af eru rúmlega 40 starfsmenn á Patreksfirði á heilsugæslu, framkvæmda og rekstrardeild, legudeild og endurhæfingu. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum.

Boðið er upp á góða aðlögun í upphafi starfs.

Helstu verkefni og ábyrgð

Sinnir og útdeilir verkefnum sem heyra undir deild framkvæmda og rekstrar
Leiðir áætlanagerð og stefnumótun fyrir deild framkvæmda og rekstrar í samstarfi framkvæmdastjóra fjármála og rekstrar.
Stýrir rekstrarstjórn HVest á Patreksfirði, sem er formlegur stjórnunarvettvangur svæðis/deilda og stýrir fundum hennar.
Ber ábyrgð á að farið sé eftir lögum, reglum, kjarasamningum og öðrum þeim samningum sem gilda um rekstur HVest.
Tekur þátt í að samræma vinnulag og þjónustu milli starfsstöðva og stuðlar að samnýtingu og hagkvæmni í rekstri, m.a. með nýtingu mannafla og í innkaupum.
Innkaup og samskipti við birgja og flutningsaðila.
Er einn af lykilstarfsmönnum þegar almannavarnarástand ríkir. Sér um að upplýsingar um starfsmenn séu uppfærðar í almannavarnaráætlun og ber ábyrgð á kynningu hennar á deildum.
Samskipti við Framkvæmdasýsluna-Ríkiseignir og ýmis verkefni tengd fasteignum svæðisins.
Umsýsla varðandi leiguíbúðir og bifreiðar á vegum HVest á Patreksfirði.
Á sæti í rekstarstjórn HVest.
Minni viðhaldsverkefni á fasteignum og lóðaumsjón s.s. snjómokstur, sláttur o.fl.
Getur gengið í störf annarra starfsmanna deildarinnar.

Menntunar- og hæfniskröfur

Reynsla sem nýtist í starfi
Iðnmenntun kostur
Reynsla af mannaforráðum eða stjórnun æskileg
Áhugi á umbótaverkefnum og teymisvinnu
Góðir leiðtoga- og samskiptahæfileikar
Lipurð og áreiðanleiki í samskiptum eru skilyrði
Áreiðanleiki, frumkvæði og metnaður til að ná árangri í starfi
Áhugi á þróun og uppbyggingu Heilbrigðisstofnunar Vestfjarða

Æskilegt er að störf hefjist sem fyrst eða eftir nánara samkomulagi.

Patreksfjörður er mjög fjölskylduvænn staður, þar eru leikskóli, grunnskóli, tónlistarskóli og framhaldsskóladeild ásamt öflugu íþróttastarfi. Börn hafa mikið frelsi og tækifærin til útivistar eru allt í kring.
Margvísleg starfsemi er á svæðinu og næg atvinnutækifæri fyrir maka.

Umsókn skal fylgja starfsferilskrá ásamt kynningarbréfi þar sem gert er grein fyrir hæfni og áhuga á starfinu. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í allt að sex mánuði.

Auglýsing birt11. desember 2024

Umsóknarfrestur6. janúar 2025

Tungumálahæfni