Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Deildarstjóri á heimili fyrir fatlað fólk - Smárahvammur

Hafnarfjarðarbær óskar eftir að ráða öflugan deildarstjóra í lærdómsríkt starf við þjónustu á heimili fatlaðs fólks í utan- og innankjarna Um er að ræða 100% dagvinnu. Við óskum eftir einstaklingi sem hefur drífandi áhuga á starfi sínu og er öðrum starfsmönnum góð fyrirmynd. Unnið er eftir hugmyndafræði Þjónandi leiðsagnar með áherslu á réttindi fatlaðs fólks.

Helstu verkefni og ábyrgð:

Ber ábyrgð á skipulagningu, samhæfingu, áætlanagerð, skýrslugerð, upplýsingamiðlun, ráðgjöf og fræðslu
Veitir starfsmönnum fræðslu og handleiðslu
Framfylgir hlutverki og markmiðum starfsstöðvar
Veitir fötluðu fólki stuðning og ráðgjöf við athafnir daglegs lífs
Tekur virkan þátt í þróunarvinnu
Umsjón með bókhaldi
Er staðgengill forstöðumanns í hans fjarveru
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

Þroskaþjálfun eða önnur sambærileg háskólamenntun á viðurkenndu fagsviði sem nýtist í starfi, s.s. iðjuþjálfun, sálfræði eða félagsráðgjöf
Þekking og reynsla af starfi með fötluðu fólki
Þekking á lögum sem snúa að málaflokknum
Stjórnunarreynsla æskileg
Reynsla og þekking af teymisvinnu æskileg
Góð tölvukunnátta
Sveigjanleiki og hæfni í mannlegum samskiptum
Faglegur metnaður í starfi og áhugi á málefnum fatlaðs fólks
Frumkvæði, skipulagshæfni og sjálfstæði í vinnubrögðum
Líkamleg geta til þess að sinna verkefnum á vinnustað
Íslenskukunnátta A2 samkvæmt samevrópsku tungumálaramma
Ökuréttindi skilyrði
Skilyrði er að viðkomandi hafi hreint sakavottorð

Frekari upplýsingar um starfið veitir Ingibjörg Ólafsdóttir, forstöðuþroskaþjálfi á netfangið [email protected] eða í síma 585-5765.

Laun eru samkvæmt gildandi kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 16. mars 2026. Ráðið er í stöðuna frá 13.apríl 2026.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins

Auglýsing birt2. mars 2026

Umsóknarfrestur16. mars 2026

Tungumálahæfni

Íslenska

Nauðsyn

Mjög góð

Staðsetning

Strandgata 6, 220 Hafnarfjörður

Starfstegund

Starfsgreinar

Starfsmerkingar

Fleiri störf (32)