Áslandsskóli - List- og verkgreinakennari með áherslu á hönnun og smíði

Áslandsskóli - List- og verkgreinakennari með áherslu á hönnun og smíði.

Áslandsskóli óskar eftir að ráða list- og verkgreinakennara með áherslu á hönnun og smíði í 80%-100% stöðu skólaárið 2026-2027

Áslandsskóli var stofnaður árið 2001 og er staðsettur í Áslandsshverfi í Hafnarfirði. Áslandsskóli er heildstæður grunnskóli með 1.-10.bekk og eru nemendur um 420 talsins. Einkunnarorð Áslandsskóla eru samvinna, ábyrgð, tillitsemi og traust. Áslandsskóli er heilsueflandi grunnskóli og er unnið markvisst að þeim málum innan skólans. Lögð er áhersla á að nemendur fái námsefni við hæfi og þrói þannig og þroski hæfileika sína með markvissum hætti. Í skólanum er lögð áhersla á vellíðan nemenda og góðan námsárangur.

Í skólanum er unnið eftir SMT skólafærni þar sem lögð er áhersla á að nálgast nemendur á jákvæðan hátt, gefa góðri hegðun gaum, styrkja og efla jákvæð samskipti milli nemenda og skapa jákvæðan skólabrag.

Skólinn byggir stefnu sína á fjórum stoðum náms og menntunar sem eru:

• Allar dygðir
• Hnattrænn skilningur
• Þjónusta við samfélagið
• Að gera allt framúrskarandi vel

Áslandsskóli notar spjaldtölvur í 5.-10. bekk skólans og hafa allir nemendur í þeim árgöngum afnot af slíku námstæki, sem hefur reynst vel í námi og stöðugt verið að þróa nýjar aðferðir til kennslu. Nemendur í yngri bekkjum hafa einnig kost á að nýta spjaldtölvurnar. Áslandsskóli er símalaus skóli.

Nánari upplýsingar um skólann má finna á heimasíðunni www.aslandsskoli.is

Helstu verkefni og ábyrgð:

• Annast list- og verkgreinakennslu fyrir skólann á öllum skólastigum
• Taka þátt í áframhaldandi uppbyggingu og mótum á skólastarfi
• Stuðla að velferð nemenda í samstarfi við foreldra og annað fagfólk
• Vinna samkvæmt stefnu skólans og þar með talið SMT skólafærni
• Vinnur skv. stefnu skólans í eineltis- og forvarnarmálum
• Vinna að því að skapa gott andrúmsloft í skólanum og tryggja öryggi og velferð nemenda og starfsfólks
• Önnur verkefni skv. starfslýsingu

 Menntunar og hæfniskröfur:

• Leyfisbréf til kennslu (leyfisbréf skal fylgja umsókn)
• Haldgóð þekking á kennslufræði námsgreina
• Þekking á SMT/PBS skólafærni
• Áhugi á að starfa með börnum og ungmennum
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Mjög góð íslenskukunnátta. Að lágmarki C1 Samkvæmt viðmiðum Evrópska tungumálarammans.

Skilyrði fyrir ráðningu er að viðkomandi hafi hreint sakavottorð.

Ráðið er í stöðuna frá 1. ágúst 2026

Nánari upplýsingar um starfið veitir Unnur Elfa Guðmundsdóttir skólastjóri, [email protected], og Hálfdan Þorsteinsson aðstoðarskólastjóri [email protected] eða í síma 585-4600.

Launakjör eru samkvæmt kjarasamningi Sambands íslenskra sveitafélaga og KÍ.

Umsóknarfrestur er til og með 15.apríl 2026

Greinargóð ferilskrá fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.