Umsjónarkennari í miðdeild - Setbergsskóli

Umsjónarkennari í miðdeild - Setbergsskóli

Ráðið er í starfið frá 1. ágúst 2026.

Setbergsskóli var stofnaður árið 1989 og eru nemendur um 430 talsins auk þess sem við skólann er starfrækt sérdeild fyrir börn með einhverfu. Skólinn er staðsettur í fallegu umhverfi sem býður upp á mikla möguleika til útiveru.

Góður starfsandi og jákvæð samskipti einkenna starfsmannahópinn og er vellíðan nemenda og starfsfólks ávallt höfð að leiðarljósi. Við skólann er unnið metnaðarfullt starf með sérstakri áherslu á teymiskennslu, leiðsagnarnám og vaxandi hugarfar, fjölbreytt námsumhverfi, læsi, sköpun, lýðræði og uppbyggjandi endurgjöf.

Einkunnarorð skólans eru virðing, víðsýni og vellíðan og grundvallast starf skólans á þeim gildum. Skólinn vinnur samkvæmt hugmyndafræði SMT um jákvæða skólafærni og samkvæmt hugmyndafræði Olweusar gegn einelti og andfélagslegri hegðun. Nánari upplýsingar um skólann og það öfluga starf sem þar er unnið er að finna á heimasíðu skólans.

Helstu verkefni og ábyrgð:

• Annast almenna kennslu og umsjón í miðdeild.
• Vinna að þróun skólastarfs í samstarfi við stjórnendur og samstarfsfólk.
• Stuðla að velferð og öryggi nemenda í samstarfi við foreldra og fagaðila.
• Vinna samkvæmt stefnu og gildum skólans.
• Samstarf við starfsfólk sérdeildar vegna nemenda með einhverfu.
• Önnur verkefni samkvæmt starfslýsingu og sem yfirmaður felur starfsmanni.

Menntunar - og hæfniskröfur:

• Leyfisbréf til kennslu (leyfisbréf skal fylgja umsókn).
• Haldgóð þekking á kennslufærði námsgreina í miðdeild.
• Áhugi á að starfa með börnum og ungmennum.
• Jákvæðni og vilji til að ná árangri í starfi.
• Lipurð í samskiptum, sveigjanleiki og samstarfshæfni.
• Frumkvæði og sjálfstæði í vinnubrögðum.
• Stundvísi og samviskusemi.
• Mjög góð íslenskukunnátta.

Gerð er krafa um hreint sakavottorð við ráðningu.

Nánari upplýsingar um starfið veitir María Pálmadóttir, skólastjóri, í síma 5651011 eða í gegnum netfangið [email protected]

Nánari upplýsingar um skólann má finna á heimasíðunni http://www.setbergsskoli.is

Umsóknarfrestur er til og með 7. apríl 2026.

Greinargóð ferilskrá og leyfisbréf fylgi umsókn.

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.