Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri - klíniskur leiðtogi á Svefnmiðstöð

Laust er til umsóknar starf aðstoðardeildarstjóra á Svefnmiðstöð Landspítala í Fossvogi. Við leitum eftir metnaðarfullum klínískum leiðtoga sem hefur brennandi áhuga og þekkingu á svefnrannsóknum, meðferð og stjórnun ásamt gæða- og umbótastarfi. Starfið er laust 1. mars 2026 eða eftir samkomulagi.

Svefnmiðstöð sérhæfir sig í svefnsjúkdómum og meðferð við þeim. Starfsfólk miðstöðvarinnar er með þverfaglegan bakgrunn eins og hjúkrunarfræði, læknisfræði, sálfræði og heilbrigðisverkfræði. Sjúklingahópurinn er stór og má nefna að í dag eru um 13 þúsund einstaklingar á meðferð við kæfisvefni. Unnið er markvisst að faglegri þróun. Starfsandi á deildinni er sérlega góður.

Aðstoðardeildarstjóri starfar náið með deildarstjóra og fylgir eftir ákvörðunum stjórnenda. Innleiðir gagnreynda þekkingu. Stýrir skipulagi þ.m.t vaktaskipulagi starfsfólks, verklagi deildarinnar, gæðamálum og þjálfun starfsfólks. Klínískur leiðtogi er í nánum samskiptum við skjólstæðinga Svefnmiðstöðvar og aðra hagaðila.

Menntunar- og hæfniskröfur

Háskólamenntun sem nýtist í starfi.

Víðtæk þekking á svefnrannsóknum, svefnsjúkdómum og meðferð

Reynsla af klínísku starfi í svefnrannsóknum, gæðastarfi þeim tengdum og innleiðingu verklags

Leiðtogahæfni, þekking og áhugi á stjórnun og teymisvinnu

Jákvætt viðmót og góð samskiptahæfni

Skipulögð og vönduð vinnubrögð

Þekking á verkefnastjórnun, umbóta- og gæðastarfi er æskileg

Góð íslensku- og enskukunnátta

Helstu verkefni og ábyrgð

Ábyrgð á rekstri og mönnun deildar í fjarveru hjúkrunardeildarstjóra

Er leiðtogi og ber ábyrgð á klínísku starfi skv. gagnreyndri þekkingu á sviði svefnrannsókna og meðferða

Ber ábyrgð á verklagsreglum, gæðamálum og skráningu

Ber ábyrgð á mönnun vakta og skipulagi á starfsemi deildarinnar

Stuðlar að hvetjandi, stöðugri liðsheild og jákvæðu starfsumhverfi

Skipuleggur og stjórnar starfsemi deildar í samráði við hjúkrunardeildarstjóra

Sérstök ábyrgð á tilteknum verkefnum sem hjúkrunardeildarstjóri felur honum samkvæmt sérstakri verkefnalýsingu

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi (ef við á). Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, náttúrufræðingur, rannsóknir, heilbrigðisvísindi,

Tungumálakunnátta: Íslenska 3/5, enska: 4/5

Staðsetning: Fossvogi, 108 Reykjavík

Nánari upplýsingar

Ólafía Ása Jóhannesdóttir

Tölvupóstur: [email protected]

Sími: 665-7001

Auglýsing birt9. janúar 2026

Umsóknarfrestur19. janúar 2026

Tungumálahæfni

Íslenska

Nauðsyn

Meðalhæfni

Staðsetning

Fossvogi, 108 Reykjavík

Starfstegund

Starfsgreinar

Starfsmerkingar

Fleiri störf (50)