Félagsráðgjafi á barna- og unglingageðdeild

Metnaðarfullur félagsráðgjafi óskast til starfa á dag- og legudeild barna- og unglingageðdeildar Landspítala. Í boði er fjölbreytt og líflegt starf þar sem þverfagleg teymisvinna og fjölskylduvinna er í forgrunni. Starfið býður upp á margvísleg tækifæri til að dýpka þekkingu í greiningu og meðferð geðraskana hjá börnum.

Á barna- og unglingageðdeild starfa um 100 einstaklingar í fjölskylduvænu starfsumhverfi. Deildin veitir sérhæfða, fjölskyldumiðaða þjónustu á göngu-, dag- og legudeild og þar er unnið í þverfaglegum teymum með nánu samstarfi við fagaðila í nærumhverfi. Áhersla er lögð á umbætur og stöðuga faglega framþróun, þar sem margvísleg tækifæri eru til að dýpka þekkingu í greiningu og meðferð algengra geðraskana. Félagsráðgjafar fá tækifæri til að sérhæfa sig, þróa starf sitt áfram og öðlast víðtæka reynslu innan fagsins. Þjónustan er í stöðugri framþróun og kapp er lagt á notendamiðaða þjónustu og styttingu biðtíma.

Starfið getur hentað bæði nýjum sem og reynslumiklum fagaðila. Möguleiki er á frekari þjálfun í meðferðarvinnu eftir því sem við á. Starfið felur í sér mat og meðferð í málum þeirra barna sem þurfa á þjónustu dag- og legudeildar að halda. Innlagnir eru ýmist bráðar eða skipulagðar fram í tímann. Viðkomandi starfsmaður verður virkur þátttakandi í þverfaglegu teymi á sinni einingu, sinnir tenglahlutverki, tekur þátt í gerð meðferðaráætlana og fylgir málum eftir á meðan málavinnslu stendur á deildinni. Þá er mikilvægt að viðkomandi veiti ráðgjöf til barns/unglings, forsjáraðila/aðstandenda og nærumhverfi hvað varðar félagsleg réttindi. Er með umsjón málavinnslunnar þegar það á við.

Starfshlutfall er 90-100% og er staðan laus frá 1. júní 2026 eða eftir samkomulagi.