Sumarstörf við umönnun á blóð- og krabbameinslækningadeild
Við leitum eftir áhugasömu og öflugu starfsfólki í sumarstarf við umönnun á blóð- og krabbameinslækningadeild.
Ef þú ert á fyrstu árum í læknisfræði, ert í sjúkraliðanámi eða öðru heilbrigðistengdu námi eða með reynslu af umönnunarstörfum, þá er þetta frábært tækifæri til að fá reynslu og innsýn í fjölþætta hjúkrun sjúklinga með krabbamein og illkynja blóðsjúkdóma.
Deildin er 30 rúma legudeild þar sem lögð er áhersla á einstaklingsmiðaða og heildræna þjónustu, fjölskylduhjúkrun, teymisvinnu og góðan starfsanda. Mikil áhersla er á gæða- og umbótavinnu á deildinni. Við bjóðum upp á einstaklingshæfða starfsaðlögun á deildinni, markvissa fræðslu og við leggjum áherslu á góðan stuðning við nýráðna starfsmenn.
Starfshlutfall og upphaf starfa er samkomulag.
Vinnuvika starfsfólks í fullri vaktavinnu er 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
Íslenska
