Grundarheimilin óska eftir heilbrigðisgagnafræðing í starf verkefnastjóra.
Grundarheimilin eru fjölbreyttur og lifandi vinnustaður þar sem starfa 700 manns. Áhersla er lögð á góðan starfsanda, sterka liðsheild og hvetjandi starfsumhverfi.
Um nýtt starf er að ræða og þarf viðkomandi að vera tilbúinn til að móta starfið í samráði við forstjóra og samstarfsmenn.
Helstu verkefni og ábyrgð
- Verkefnastjórn fjölbreyttra verkefna.
- Utanumhald sjúkraskrár og innleiðing Sögu sjúkraskráarkerfis.
- Samskipti við innri og ytri aðila varðandi tímabókanir.
- Umsjón og frágangur skjala.
- Skipulagning funda og fundaritun.
- Aðstoð við utanumhald og skipulagningu læknaþjónustu.
- Móttaka / símsvörun.
Menntunar og hæfniskröfur
- Leyfisbréf landlæknis sem heilbrigðisgagnafræðingur.
- Reynsla af störfum sem heilbrigðisgagnafræðingur.
- Íslenskukunnátta.
- Góð færni í mannlegum samskiptum og rík þjónustulund.
- Metnaður og frumkvæði í starfi.
- Geta til að vinna sjálfstætt og undir álagi.
- Skipulagshæfileikar.
- Almenn tölvukunnátta og þekking á sjúkraskráarkerfum.
Starfshlutfall er samkomulag. Greitt er eftir kjarasamningi viðeigandi stéttarfélags og Samtaka fyrirtækja í velferðarþjónustu.
Á Grundarheimilunum vinnur stór og samheldinn hópur starfsmanna að því að hlúa að öldruðum af alúð. Vellíðan, virðing og vinátta eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi.
Unnið er eftir Eden hugmyndafræðinni.
Nánari upplýsingar um starfið veitir
Karl Óttar, forstjóri
Bjarki Steinn, yfirlæknir
Íslenska
