Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri hjúkrunar á sérhæfðri endurhæfingardeild aldraðra

Við leitum eftir kraftmiklum hjúkrunarfræðingi í starf aðstoðardeildarstjóra hjúkrunar á K1 á Landakoti. Deildin rúmar 18 sjúklinga til sérhæfðrar endurhæfingar. Landakot er staðsett í rólegu og rótgrónu hverfi miðsvæðis í Reykjavík, andinn í húsinu er einstakur og nálægð við mannlíf Miðborgarinnar er kostur eftir góða vinnudaga.

Hér er um spennandi tækifæri að ræða fyrir hjúkrunarfræðinga sem hafa áhuga á stjórnunarstörfum og vilja taka virkan þátt í þróun þjónustu með áherslu á endurhæfingu og aukin lífsgæði einstaklinga eftir bráð veikindi. Viðkomandi þarf að hafa mikla samskiptahæfni og áhuga á að takast á við breytingar.

Sveigjanleiki er í boði varðandi vinnutíma þar sem áhersla er lögð á góð samskipti við samstarfsfólk, skjólstæðinga og aðstandendur.

Landakot er inngildandi vinnustaður, þar sem fjölbreytileiki íslensks samfélags fær að njóta sín og mannvirðing er höfð að leiðarljósi.

Starfshlutfall er 100% og er starfið laust strax eða samkvæmt nánara samkomulagi.

Ef frekari upplýsinga er óskað má endilega hringja eða senda tölvupóst til Sigurlaugar, deildarstjóra og meira en velkomið að koma í heimsókn og skoða aðstæður á okkar góða vinnustað.

Menntunar- og hæfniskröfur

Íslenskt hjúkrunarleyfi

Góð íslenskukunnátta

Starfsreynsla sem hjúkrunarfræðingur

Sýn og hæfni til að leiða faglega þróun hjúkrunar og gæða- og öryggismál

Hæfileiki til þverfaglegrar teymisvinnu og sjálfstæði í starfi

Sveigjanleiki og góð aðlögunarhæfni

Mjög góð hæfni í samskiptum og jákvætt viðmót

Frumkvæði og metnaður til að ná árangri

Helstu verkefni og ábyrgð

Vinnur í samráði við hjúkrunardeildarstjóra að skipulagningu á starfsemi deildar

Ber ábyrgð á verkefnum sem hjúkrunardeildarstjóri felur honum

Ber ábyrgð á framkvæmd hjúkrunar, rekstri og mönnun deildar í fjarveru deildarstjóra

Er leiðandi í klínísku starfi, öryggis- og gæðastarfi sem og öðru umbótastarfi sem stuðlar að bættri þjónustu og framþróun í hjúkrun

Leiðir umbótaverkefni og teymisvinnu deildar

Heldur utan um verknám hjúkrunarnema á deild

Heildræn hjúkrun og samstarf við sjúklinga og aðstandendur

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisgagnafræðingur, skrifstofustörf, teymisvinna

Tungumálahæfni: íslenska 4/5

Staðsetning: Túngötu, 101 Reykjavík

Nánari upplýsingar

Sigurlaug A Þorsteinsdóttir

Tölvupóstur: [email protected]

Auglýsing birt27. maí 2026

Umsóknarfrestur10. júní 2026

Tungumálahæfni