Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Málastjóri í Laufeyjarteymi

Málastjóri óskast til starfa í Laufeyjarteymi Landspítala. Starfið býður upp á mörg spennandi tækifæri til starfsþróunar. Staðan er laus frá 1. júlí 2026 og er starfshlutfall 80-100%. Eingöngu er um dagvinnu að ræða.

Laufeyjarteymi þjónustar einstaklinga sem lifa með langvarandi samslætti geðsjúkdóma og fíknar, á því stigi að hvort um sig er alvarlegt og óstöðugt í eðli sínu og fyrri og vægari meðferðarnálganir hafa ekki skilað árangri eða bættum lífsgæðum. Teymið þjónustar einstaklinga í þeirra nærumhverfi, á vettvangi.

Hlutverk málastjóra er fjölbreytt og felst meðal annars í mati á geðrænum einkennum og á einstaklingsbundnum þörfum, sinna meðferð og eftirfylgd, þróa meðferðaráætlanir og vöktun á árangri þjónustunnar. Málastjóri er talsmaður skjólstæðinga gagnvart kerfum og þjónustu í nánu notendasamráði sem byggir á góðu meðferðarsambandi. Málastjóri er einnig í samskiptum við aðstandendur og heldur utan um þá meðferð og endurhæfingu sem einstaklingurinn þarf á að halda.

Laufeyjarteymi er hluti af ferliþjónustu réttar- og öryggisgeðþjónustu og mun frá hausti vera staðsett á Kleppi.

Menntunar- og hæfniskröfur

Háskólapróf sem nýtist í starfi

Faglegur metnaður og ábyrgð í starfi sem og einlægur áhugi á að þjónusta og sinna einstaklingum með geðsjúkdóma og vímuefnavanda

Góð þekking á geðsjúkdómum, HAM, viðtalstækni og áhugahvetjandi samtölum

Góð þekking á hugmyndafræði skaðaminnkunar

Reynsla af sambærilegum störfum er kostur

Reynsla af starfi innan geðþjónustu er kostur

Mjög góð samskiptahæfni

Jákvætt hugarfar, metnaður og færni til að starfa í þverfaglegu teymi

Stundvísi og áreiðanleiki

Hæfni til að vinna sjálfstætt, skipuleggja og forgangsraða verkefnum

Góð almenn tölvukunnátta

Góð færni í íslensku og ensku, bæði í mæltu og rituðu máli

Gilt ökuskírteini

Helstu verkefni og ábyrgð

Málastjórn, þ.m.t. greining á þjónustuþörf, færni og gerð meðferðaráætlana, tryggja eftirfylgni, yfirsýn yfir samskipti, fræðsla, leiðbeiningar og heildrænn stuðningur

Málsvarastarf fyrir skjólstæðinga

Virk þátttaka í þverfaglegu samstarfi

Stuðningur við aðstandendur

Notendasamráð og þróun þjónustu

Virk þátttaka í framþróun, uppbyggingu þjónustunnar og umbótastarfi deildar

Önnur fjölbreytt verkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi eins og við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, sálfræðingur, félagsráðgjafi, iðjuþjálfi, þroskaþjálfi, málastjóri

Tungumálahæfni: íslenska 4/5, enska 4/5

Staðsetning: Kleppur, 104 Reykjavík

Nánari upplýsingar

Ína Rós Jóhannesdóttir

Tölvupóstur: [email protected]

Auglýsing birt18. maí 2026

Umsóknarfrestur29. maí 2026

Tungumálahæfni

Enska

Nauðsyn

Mjög góð

Íslenska

Nauðsyn

Mjög góð

Staðsetning

Kleppur, 104 Reykjavík

Starfstegund

Starfsgreinar

Starfsmerkingar

Fleiri störf (28)