Slökkvilið höfuðborgarsvæðisins

Starfsemi okkar er fjölbreytt og er markmið okkar að sinna forvörnum og útkallsþjónustu á þjónustusvæði okkar sem nær yfir öll sveitarfélögin á höfuðborgarsvæðinu. Við sinnum slökkvistarfi skv. lögum um brunavarnir, sjúkraflutningum á svæðinu, almannavörnum, björgun úr sjó, vötnum og utan alfaraleiða ásamt öflugu eldvarnaeftirliti. Starfsfólk okkar er tæplega 200 staðsett á fjórum slökkvistöðum, en á starfssvæði okkar býr 63% allra landsmanna.

Vinnustaðurinn

Aðalbókari

Við leitum að öflugum og nákvæmum aðalbókara sem hefur reynslu af bókhaldi og fjármálastýringu. Ef þú hefur áhuga á fjármálum og vilt starfa í krefjandi og spennandi umhverfi þar sem fagmennska og nákvæmni eru í fyrirrúmi, þá hvetjum við þig til að sækja um. Aðalbókari ber faglega ábyrgð á verkefnum en helstu ákvarðanir eru teknar í samráði við fjármálastjóra, sem er næsti yfirmaður. Starfið felur ekki í sér mannaforráð.

Helstu verkefni og ábyrgð

Ábyrgð á að skipulag bókhalds og að vinnubrögð séu í samræmi við lög og viðurkenndar reikningsskilareglur.
Umsjón og ábyrgð á frágangi bókhalds og aðkoma að gerð ársfjórðungs- og ársreikninga.
Ábyrgð á fjárhagslegri eftirfylgni og eftirliti með kostnaði og tekjum.
Þjónusta við innri aðila og aðra hagsmunaaðila.
Afstemmingar, uppgjör og önnur bókhaldsvinna.

Menntunar- og hæfniskröfur

Menntun á sviði bókhalds, fjármála eða rekstrar, svo sem háskólapróf, fagmenntun eða önnur sambærileg menntun sem nýtist í starfi.
Starfsreynsla á sviði bókhalds og fjármála.
Frumkvæði og sjálfstæði í starfi ásamt skipulagshæfni og nákvæmni.
Góð samskiptafærni og hæfni til að miðla upplýsingum á íslensku og ensku.
Þekking á Business Central (BC) er kostur.
Góð þekking á Office365 æskileg, ásamt góðri almennri tölvukunnáttu.

Fríðindi í starfi

Frítt í líkamsrækt og sund

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og færni til að gegna starfinu. Laun eru samkvæmt viðeigandi kjarasamningi. Við hvetjum öll óháð kyni og uppruna að sækja um. Um er að ræða 100% starf í dagvinnu sem heyrir undir fjármálastjóra.

Nánari upplýsingar veitir Ástríður Þórðardóttir, fjármálastjóri [email protected]

Auglýsing birt5. mars 2025

Umsóknarfrestur23. mars 2025

Tungumálahæfni