Kennari í námsveri - Hvaleyrarskóli

Hvaleyrarskóli auglýsir eftir kennara eða einstakling til að stýri námsveri skólans, einstakt tækifæri til að hafa áhrif. Í námsveri skólans eru nemendur sem víkja verulega frá aðalnámskrá grunnskóla. Ráðið er í stöðuna frá 1. ágúst 2025.

Í Hvaleyrarskóla eru um 400 nemendur í 1.–10. bekk og einkunnarorð skólans – ábyrgð, kurteisi og samvinna – endurspegla alla menningu og starfshætti innan hans. Í skólanum er unnið samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa þannig jákvæðan skólabrag. Hvaleyrarskóli er jafnframt heilsueflandi grunnskóli og vinnur eftir Olweusaráætluninni gegn einelti. Hvaleyrarskóli er skóli margbreytileikans þar sem lögð er rækt við fjölmenningu.

Skólinn vinnur samkvæmt hugmyndafræði SMT, Olweus, markvissar málörvunar, byrjendalæsis og orð af orði ásamt áherslu á skák- og sviðslistarkennslu.

Nánari upplýsingar um skólann má einnig finna á heimasíðunni http://www.hvaleyrarskoli.is

Helstu verkefni og ábyrgð:

• Annast almenna kennslu og skipulag í námsveri í samvinnu við skólastjórnendur, aðra kennara og foreldra
• Vinna að þróun skólastarfs í samstarfi við stjórnendur og samstarfsfólk með áherslu á teymisvinnu
• Stuðla að velferð nemenda í samstarfi við foreldra og annað fagfólk
• Vinna samkvæmt stefnu skólans í SMT skólafærni til að skapa gott andrúmsloft í skólum og tryggja öryggi og velferð nemenda og starfsfólks
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Leyfisbréf til kennslu (leyfisbréf fylgi umsókn)
• Áhugi og/eða reynsla af sérkennslu
• Frumkvæði og skipulögð vinnubrögð
• Jákvæðni og áhugi á að starfa í skapandi og metnaðarfullu umhverfi
• Mjög góð íslenskukunnátta
• Lipurð og jákvæðni í samskiptum og sveigjanleiki í starfi
• Víðtæk tölvukunnátta og góð þekking á G-suite og Mentor
• Áhugi á teymiskennslu og þverfaglegu samstarfi

Nánari upplýsingar um starfið veita Kristinn Guðlaugsson, skólastjóri, [email protected] í síma 664 5833 eða Vala Stefánsdóttir, aðstoðarskólastjóri, [email protected] síma 868 6859. Sími skólans er 565 0200.

Gerð er krafa um hreint sakavottorð við ráðningu.

Umsóknarfrestur er til og með 19. maí næst komandi.

Greinagóð ferilsskrá fylgi umsókn.

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.