Safnstjóri skólasafns Lækjarskóla

Lækjarskóli óskar eftir að ráða safnstjóra skólasafns í 80% starf.

Lækjarskóli á sér sögu allt aftur til ársins 1877 og er staðsettur í fallegu og grónu umhverfi við Lækinn í Hafnarfirði. Reist var ný skólabygging, björt og rúmgóð, og tekin í notkun árið 2002. Hér er meðal annars að finna bæði sundlaug og íþróttahús. Nemendur eru tæplega 500 talsins, þar af tæplega 140 á unglingastigi. Allir nemendur frá 5. -10. bekk hafa eigin spjaldtölvu til afnota.

Einkunnarorð Lækjarskóla eru ábyrgð, virðing og öryggi, og endurspeglast allt skólastarfið í þessum orðum. Unnið er samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa jákvæðan skólabrag.

Lækjarskóli hefur verið í innleiðingu á Universal Design for Learning (UDL) sem er aðferðafræði byggð á rannsóknum David Rose (Boston Harvard,1984). UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám og er tilgangurinn að útrýma hindrunum sem standa í vegi fyrir árangri nemenda.

Helstu verkefni og ábyrgð:

• Halda utan um starfsemi bókasafnsins
• Annast innkaup á nýjum bókum/safnkosti
• Skrá og flokka bókakost safnsins
• Aðstoða nemendur við upplýsingaöflun og bókaval
• Starfa náið með starfsfólki og veita þeim ráðgjöf
• Fræðsla um bókasafns- og upplýsingalæsi
• Þátttaka í lestrarhvetjandi verkefnum og halda utan um bókaklúbba
• Taka á móti nemendahópum á safnið og veita fræðslu
• Þátttaka í þróunarverkefnum skólans
• Önnur verkefni samkvæmt starfslýsingu og sem yfirmaður felur starfsmanni

Menntunar og hæfniskröfur:

• M.A próf í upplýsingafræði eða B.A próf í upplýsingafræði og mikil starfsreynsla á sérsviðinu.
• Þekking á Ölmu bókasafnskerfi kostur
• Reynsla og þekking af stöfum á bókasafni æskileg
• Nákvæmni í vinnubrögðum
• Brennandi áhugi á starfi með börnum og ungmennum
• Hæfni til að tjá sig í ræðu og riti á íslensku og ensku
• Góð samstarfs- og samskiptahæfileikar
• Geta til að aðlagast breyttum aðstæðum
• Frumkvæði og skipulagshæfileikar
• Mjög góð tölvukunnátta

Nánari upplýsingar um starfið veitir Arna Björný Arnardóttir skólastjóri, [email protected] eða í síma 664-5865.

Umsóknarfrestur er til og með 19. maí 2025

Laun eru samkvæmt kjarasamningi Sambands íslenskra sveitarfélaga við Stéttarfélag bókasafns- og upplýsingafræðinga

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins