Íslenskar fasteignir ehf.

Íslenskar fasteignir er sérhæft ráðgjafa- og fjárfestingarfélag á sviði fasteignaþróunar. Félagið hefur á undanförnum árum komið að fjölmörgum verkefnum á öllum stigum fasteignaþróunar – frá hugmyndavinnu og skipulagi til byggingar og reksturs. Meðal verkefna eru Reykjavik Edition hótelið, Austurhöfn, fjölbýli á Kársnesi, þjónustuíbúðir við Sóltún og fjölbreytt verkefni víðs vegar um landið. Hjá ÍF starfar þverfaglegur hópur sérfræðinga sem spannar öll stig þróunar, skipulags, framkvæmda og reksturs fasteigna.

About

Verkefna- og hönnunarstjórn

Íslenskar fasteignir (ÍF) leita að metnaðarfullum, skapandi og skipulögðum einstaklingi til að taka þátt í og leiða fjölbreytt verkefni á sviði hönnunar, þróunar og byggingaframkvæmda.

Starfið hentar jafnt arkitektum, byggingarfræðingum, verkfræðingum eða verkefnastjórum – og einnig námsmönnum á lokametrum náms, enda ekki skilyrði að námi sé lokið.

Um er að ræða spennandi tækifæri fyrir einstakling sem vill hafa áhrif á þróun stærri fasteignaverkefna, svo sem hjúkrunarheimila, íbúða, þjónustu- og atvinnuhúsnæðis. Viðkomandi kemur að mótun verkefna allt frá hugmyndastigi til framkvæmda og fær tækifæri til að vinna með nýjustu stafrænu lausnum í hönnun og byggingarstjórnun.

Helstu verkefni og ábyrgð

Verkefnastjórn og eftirfylgni með framvindu verkefna
Stýring og samhæfing hönnunarvinnu í samstarfi við arkitekta- og verkfræðistofur
Frumhönnun, tillögugerð og þátttaka í mótun nýrra fasteignaþróunarverkefna
Yfirumsjón innkaupaferla og samninga
Þróun og gerð uppdrátta, skilmála og gagna fyrir deiliskipulagsvinnu
Umsjón með gæðamálum og vottunarferlum í hönnun og framkvæmd
Vinna með stafrænum hönnunarlíkönum, þ.m.t. samræming líkana, árekstragreining (clash detection) og skipulagsvinna í VDC (Virtual Design & Construction)
Þátttaka í gerð sjónrænna verk-, tíma- og kostnaðaráætlana byggðum á BIM-líkönum
Notkun og stjórn verkefna í Autodesk Construction Cloud (ACC), Procore og öðrum byggingar- og hönnunarhugbúnaði
Samvinna við hönnunar- og framkvæmdateymi um samþættingu gæðastaðla, framleiðni og upplýsingaflæði

Menntunar- og hæfniskröfur

Menntun eða nám sem nýtist í starfi, t.d. í arkitektúr, byggingarfræði, byggingarverkfræði, byggingartæknifræði eða verkefnastjórnun (ekki er skilyrði að námi sé lokið)
Reynsla af hönnun, BIM, verkefnastjórnun eða framkvæmdum er kostur en ekki skilyrði
Þekking eða áhugi á VDC, BIM-líkönum, árekstragreiningu og stafrænum vinnuferlum
Kunnátta eða reynsla af ACC, Procore, Navisworks, Revit, ArchiCAD, AutoCAD eða sambærilegum kerfum er kostur
Þekking á reglum um byggingaframkvæmdir, öryggis- og gæðamál er æskileg
Hæfni til að vinna sjálfstætt, sýna frumkvæði og nákvæmni
Góð samskiptahæfni, jákvæðni og þjónustulund
Skilvirk og lausnamiðuð nálgun og sterk greiningarhæfni
Góð almenn tölvukunnátta
Góð færni í íslensku og ensku í ræðu og riti