Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

About

Rekstrarstjóri umhverfis og veitna

Hefur þú áhuga á að leiða fjölbreyttan rekstur Þjónustustöðvar í ört vaxandi sveitarfélagi?

Verkefni Þjónustustöðvar ná til umsjónar með öllu bæjarlandi, gatnakerfi, sorphirðu, garðyrkju, fegrun umhverfis, snjómoksturs og veitustarfsemi. Þar starfar hópur sérfræðinga markvisst að því að bæta þjónustu við bæjarbúa. Vilt þú fara fyrir þeim hópi?

Starfið er margþætt og í því felast tækifæri til umbóta, stefnumótunar og þróunar. Þú berð ábyrgð á daglegum rekstri og mannauðsmálum Þjónustustöðvar hvers helstu markmið eru góð þjónusta við íbúa, hagkvæmur rekstur. Rík þjónustulund og farsæl reynslu af því að leiða starfsfólk og stýra verkefnum er mikilvæg.

Helstu verkefni og ábyrgð

Ábyrgð á bæjarlandi, snjómokstri, garðyrkju og sorphirðu
Ábyrgð á ljós-, vatns-, hita- og fráveitu
Ábyrgð á mótun aðgerðaráætlana og framgangi verkefna
Ábyrgð á fjárhags- og áætlunarvinnu
Stefnumótun vegna þjónustuviðmiða
Ábyrgð á mannauðsmálum starfseiningar

Menntunar- og hæfniskröfur

Háskólamenntun sem nýtist í starfi s.s. viðskiptafræði, rekstrarverkfræði eða annað sambærilegt nám
Framhaldsmenntun sem nýtist í starfi
Farsæl reynsla af rekstri, framkvæmdum og áætlanagerð
Farsæl reynsla af mannauðsstjórnun
Farsæl reynsla af þjónustustjórnun og þjónustumiðaðri hugsun
Reynsla og þekking á samningagerð, útboðs- og innkaupamálum er kostur
Framúrskarandi skipulagshæfileikar og öguð vinnubrögð
Góð samskiptahæfni og færni í mannlegum samskiptum
Gott vald á upplýsingatækni og framsetningu gagna
Þekking á stjórnsýslu er kostur
Mjög góð hæfni til að tjá sig í rituðu og töluðu máli, bæði á íslensku og ensku