Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

About

Umhverfis- og framkvæmdasvið - Deildarstjóri Umhverfismála

Reykjanesbær auglýsir eftir metnaðarfullum, lausnamiðuðum og skipulögðum einstaklingi með framúrskarandi samskiptahæfni til að gegna starfi deildarstjóra umhverfismála á Umhverfis- og framkvæmdasviði. Starfið er fjölbreytt og krefst frumkvæðis, ábyrgðar og sjálfstæðis í vinnubrögðum. Næsti yfirmaður er sviðsstjóri Umhverfis- og framkvæmdasviðs.

Gildi Reykjanesbæjar – virðing, eldmóður og framsækni – skulu endurspeglast í störfum og framkomu viðkomandi.

Um er að ræða 100% starfshlutfall. Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags. Æskilegt er að umsækjandi geti hafið störf sem fyrst.

Helstu verkefni og ábyrgð

Fjárhagsleg og fagleg ábyrgð á verkefnum Umhverfisdeildar í samstarfi við sviðsstjóra.
Umsjón með gatnakerfi og opnum svæðum Reykjanesbæjar, rekstri þeirra og framkvæmdum.
Yfirumsjón með samgöngum innan sveitarfélagsins.
Þátttaka í hönnun og skipulagi verklegra framkvæmda.
Eftirlit með verklegum framkvæmdum, allt frá undirbúningi til rýni eftir framkvæmdir.
Skráning og utanumhald gagna í gagnagrunn.
Áætlanagerð og eftirfylgni þeirra.
Aðkoma að skipulagsmálum.
Almenn störf á umhverfissviði.

Menntunar- og hæfniskröfur

Háskólamenntun í verk- eða tæknifræði á byggingarsviði eða sambærileg menntun.
Viðamikil reynsla af verklegum framkvæmdum.
Æskileg reynsla af opinberri stjórnsýslu.
Góð þekking á Microsoft Office, sérstaklega Word og Excel.
Æskileg kunnátta í tækniforritum eins og AutoCad og MicroStation.
Þekking á skjalavistunarkerfum er kostur.
Framúrskarandi hæfni í mannlegum samskiptum- og skipulagshæfni.
Frumkvæði og sjálfstæði í vinnubrögðum.
Framúrskarandi íslensku- og enskukunnátta í töluðu og rituðu máli.

Sótt er um starfið á vef Reykjanesbæjar www.reykjanesbaer.is, undir laus störf. Umsóknum skal fylgja ítarleg starfsferilsskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfni til að sinna starfinu.

Áhugasamir einstaklingar án tillits til kyns, eru hvattir til að sækja um.

Frekari upplýsingar veitir: Guðlaugur Helgi Sigurjónsson, sviðsstjóri Umhverfis- og framkvæmdasviðs, í gegnum netfangið gudlaugur.h.sigurjonsson@reykjanesbaer.is.

Advertisement published6. December 2024

Application deadline30. December 2024

Language skills