Sérfræðingur

Leitað er að sérfræðingi á sviði fjárhagslegs utanumhalds til að hafa umsjón með nýjum fræðslusjóði - Torgssjóði. Starfsmaður sinnir upplýsingamiðlun, ráðgjöf, umsýslu umsókna, undirbúningi og úrvinnslu stjórnarfunda og umsjón með útborgunum. Starfið er nýtt og felur í sér spennandi tækifæri til að móta nýtt fyrirkomulag til framtíðar.

Starfið felst í utanumhaldi um nýjan fræðslusjóð – Torgssjóð – sem stofnaður er á grundvelli kjarasamnings Reykjavíkurborgar og Sameykis. Torgssjóður starfar samkvæmt samþykktri skipulagsskrá, heyrir undir lög nr. 1988/19 og hefur það hlutverk að veita sviðum og starfsstöðum Reykjavíkurborgar styrki til fræðsluverkefna.

Starfsmaður annast upplýsingamiðlun um sjóðinn, veitir umsækjendum ráðgjöf, tekur á móti umsóknum, undirbýr fundi stjórnar og vinnur úr þeim. Starfsmaður sér um útborganir úr sjóðnum og vinnur í nánu samráði við fjármála- og áhættustýringarsvið Reykjavíkurborgar vegna bókhalds, greiðslna og endurskoðunar sjóðsins. Starfsmaður fylgir einnig eftir styrktum verkefnum og hefur þannig aðkomu að ýmsum fræðsluverkefnum borgarinnar og innleiðingu fræðslustefnu. Starfið er 50% og ótímabundið og er starfsstöð í Ráðhúsi Reykjavíkur.

• Stjórn sjóðsins, starfsfólk á fjármála- og áhættustýringarsviði, umsækjendur þ.e. stjórnendur og mannauðsfólk á sviðum borgarinnar, starfsfólk á mannauðs- og starfsumhverfissviði, starfsfólk Sameykis.

Reykjavíkurborg stendur fyrir virku fræðslustarfi fyrir starfsfólk, á grundvelli fræðslustefnu vinnustaðarins frá 2022. Lykilþáttur í því starfi er stafræna fræðslukerfið Torgið.

Mannauðs- og starfsumhverfissvið annast miðlæga mannauðsþjónustu borgarinnar og innleiðingu og eftirfylgni með stefnumótun í mannauðsmálum. Sviðið vinnur meðal annars að verkefnum á sviði mönnunar, kjaramála, launavinnslu, starfsumhverfis og starfsþróunar.

Laun eru greidd skv. samningum Reykjavíkurborgar við hlutaðeigandi stéttarfélag. Nánari upplýsingar um starfið veitir Ásta Bjarnadóttir á netfanginu asta.bjarnadottir@reykjavik.is