Sérfræðingur í launaafgreiðslu

Fjársýslan óskar eftir að ráða sérfræðing á mannauðssvið. Framundan eru spennandi verkefni er tengjast launakerfi ríkisins þar sem áhersla er lögð á aukna skilvirkni, áreiðanleika, gagnaöryggi og virðisauka fyrir viðskiptavini. Viðkomandi mun sinna fjölbreyttum verkefnum allt frá móttöku gagna til úrvinnslu fullunninna launagagna. Leitað er eftir töluglöggum, nákvæmum og skipulögðum einstaklingi sem er tilbúin að starfa í fjölbreyttu umhverfi, þar sem áhersla er lögð á fagleg vinnubrögð og vandaða þjónustu. Á mannauðssviði Fjársýslunnar starfar hópur sérfræðinga við launavinnslu, launkeyrslu og mannauðsráðgjöf til ríkisaðila.

Fjársýslan er þjónustu- og þekkingarstofnun á sviði opinberra fjármála. Stofnunin veitir ríkisaðilum fjölbreytta þjónustu og ráðgjöf á sviði fjármála og mannauðsmála. Fjársýslan leggur áherslu á að skapa virði fyrir viðskiptavini og greiða leið fyrir bætta þjónustu ríkisins. Upplýsingar um starfsemi Fjársýslunnar má finna á https://island.is/s/fjarsyslan.