Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Sálfræðingur á göngudeild barna- og unglingageðdeildar - ADHD-greiningar unglinga

Metnaðarfullur sálfræðingur óskast til starfa á göngudeild barna- og unglingageðdeildar. Um er að ræða tímabundið starf (40-100%) í greiningarteymi til eins árs. Starfið felur í sér margvísleg verkefni sem snúa að ADHD greiningum barna á aldrinum 15-18 ára. Starfið getur hentað bæði nýjum sem og reynslumiklum sálfræðingi. Ráðið verður í starfið sem fyrst eða eftir nánara samkomulagi.

Á barna- og unglingageðdeild eru göngu-, dag- og legudeild. Þar er veitt sérhæfð og fjölskyldumiðuð heilbrigðisþjónusta við börn sem þarfnast sjúkrahúsþjónustu vegna geðræns vanda. Unnið er í þverfaglegum teymum og er mikil samvinna höfð við fagaðila í nærumhverfi.

Á BUGL starfa um 100 einstaklingar í fjölskylduvænu starfsumhverfi. Starfsaðlögun er markviss og einstaklingsmiðuð og miklir möguleikar eru til starfsþróunar og sérhæfingar. Þjónustan er í stöðugri framþróun og kapp er lagt á notendamiðaða þjónustu og styttingu biðtíma.

Helstu verkefni og ábyrgð

Greiningarvinna á geðrænum vanda unglinga.
Notast er við rafræna útgáfu af K-SADS greiningarviðtalinu í greiningarferlinu.
Starfar í þverfaglegu teymi að greiningu og mati á geðrænum vanda barna og unglinga
Upplýsingaöflun byggð á viðtali við foreldra, barn og fyrirliggjandi gögnum
Stuðlar að góðum starfsanda og menningu sálræns öryggis

Menntunar- og hæfniskröfur

Íslenskt starfsleyfi sálfræðings
Þekking á notkun K-SADS greiningarviðtalsins
Framúrskarandi færni í samskiptum og teymisvinnu
Faglegur metnaður, jákvætt hugarfar og geta til að takast á við krefjandi verkefni
Skipulagshæfni og öguð vinnubrögð
Hæfni til að starfa samkvæmt öryggis- og gæðaverkferlum deildar
Góð íslenskukunnátta, í mæltu og rituðu máli
Góð tölvukunnátta og geta til að læra nýjungar
Kunnátta í tungumáli stórra samfélagshópa á Íslandi, sem eiga íslensku ekki að móðurmáli, er kostur
Hreint sakavottorð

Starfshlutfall: 40-100%

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sálfræðingur.

Tungumálahæfni: Íslenska 4/5

Staðsetning: Dalbraut 12, 105 Reykjavík

Nánari upplýsingar

Íris Dögg Sigurðardóttir

Tölvupóstur: [email protected]

Sími: 543-4300

Sigurveig Sigurjónsd Mýrdal

Tölvupóstur: [email protected]

Sími: 824-2198

Advertisement published16. January 2026

Application deadline30. January 2026

Language skills

Icelandic

Required

Advanced

Location

Dalbraut 12, 105 Reykjavík

Type of work

Professions

Job Tags

Other jobs (50)