Ertu atferlisfræðingur/þroskaþjálfi í leit að nýrri áskorun?
Efstihjalli: Fjölmenning, Barnasáttmáli og sköpun
Leikskólinn Efstihjalli er fimm deilda leikskóli í austurbæ Kópavogs. Leikskólinn er í grónu hverfi í göngufæri við Fossvogsdal, Kópavogsdal og Digraneshæð. Í skólanum er stuðst við þrjá stólpa í öllu starfi, fjölmenningu, Barnasáttmála Sameinuðu þjóðanna og sköpun í allri sinni mynd. Samskipti eru grunnurinn sem halda stólpunum uppi. Málörvun og málrækt er svo rauði þráðurinn í gegnum allt starfið. Leikurinn í allri sinni fjölbreytni, inni sem og úti, er kjarninn í leikskólastarfinu og helsta námsleið barnanna. Í leiknum styrkist meðal annars sjálfsmynd barnanna, félagsfærni eflist og undirbúningur fyrir formlegt nám er mikill. Efstihjalli er ríkur af fjölbreyttum tungumálum og menningarlegum bakgrunni og er það jafnframt einn af styrkleikum skólans.
Við leitum að atferlisfræðingi eða þroskaþjálfa til að sinna sérkennslu í okkar góða starfsmannahóp í Efstahjalla.
Nánari upplýsingar er að finna á heimasíðu leikskólans efstihjalli.kopavogur.is
- Vinnur að uppeldi og menntun barnanna.
- Veitir börnum sem þurfa á sérkennslu að halda sérstaka aðstoð og kennslu.
- Gætir þess að barn sem nýtur sérkennslu einangrist ekki heldur sé hluti af hópnum og eigi hlutdeild í leikskólastarfinu.
- Vinnur í nánu samstarfi við foreldra/forráðamenn barna sem njóta sérkennslu á deildinni og situr fundi og viðtöl með þeim.
- Sinnir þeim verkefnum er varða sérkennslu, uppeldi og menntun barnanna sem yfirmaður felur honum.
- Leikskólakennaramenntun, atferlisþjálfi, þroskaþjálfi eða önnur háskólamenntun sem nýtist í starfi.
- Reynsla af vinnu með börnum.
- Reynsla af skipulagningu sérkennslu og þjálfunar.
- Frumkvæði í starfi.
- Góð samskiptahæfni.
- Góð íslenskukunnátta.
Starfsfólk Kópavogsbæjar fær frían aðgang að sundlaugum bæjarins
Styttri vinnuvika, stytting er að hluta til tekin á milli jóla- og nýárs, í dymbilviku og tveimur vetrarfríum
Icelandic
