Deildarstjóri tómstundamiðstöðvar - Víðistaðaskóli

Deildarstjóri tómstunda í Víðistaðaskóla

Hefurðu áhuga á að vinna með börnum og unglingum og standa fyrir hvetjandi og skemmtilegu frístundastarfi fyrir börn og unglinga?

Viltu vera hluti af góðum og öflugum starfsmannahópi sem vinnur saman að því að mæta ólíkum nemendum með uppbyggilegum og faglegum hætti?

Þá erum við að leita að þér.

Okkur í Víðistaðaskóla vantar deildarstjóra tómstunda sem stýrir daglegu starfi í frístundaheimilinu Hraunkoti og félagsmiðstöðinni Hrauninu. Við leitum að samstarfsmanneskju sem er með góðar hugmyndir og metnað fyrir faglegu og góðu starfi með börnum og unglingum.

Nemendur Víðistaðaskóla eru ríflega 500 í 1.-10.bekk. Starfsmenn skólans eru liðlega 100 og ríkir góður starfsandi og samheldni innan hópsins. Við störfum eftir leiðarljósunum ábyrgð- virðing- vinátta. Við leggjum áherslu á líðan nemenda, fjölbreytta kennsluhætti, nemendalýðræði og að hver og einn fái tækifæri til að vera eins og hann er.

Hafnarfjörður er barnvænt sveitarfélag sem leggur ríka áherslu á faglegt og árangursríkt tómstundastarf. Við leggjum mikla áherslu á samvinnu og samstarf deildarstjóra tómstunda á milli skóla.

Um 100% starf er að ræða. Ráðið verður í stöðuna eftir samkomulagi.

Helstu verkefni:

• Umsjón og ábyrgð með starfsemi tómstundamiðstöðvar ásamt aðstoðarverkefnastjórum
• Sinnir forvarna- og fræðslustarfi um ýmis málefni sem tengjast börnum og ungmennum
• Stýrir daglegu og faglegu starfi frístundaheimilisins Hraunkot
• Skipulagning og framkvæmd verkefna og viðburða
• Ábyrgð á að starfsemin sé í samræmi við lög og reglugerðir og samþykktir Hafnarfjarðarbæjar
• Umsjón með eftirliti og mati á þjónustu deildarinnar
• Sér til þess að upplýsingaflæði til barna, unglinga, foreldra og samstarfsaðila sé virkt
• Stýrir verkaskiptingu milli starfsmanna og veitir leiðsögn um framkvæmd starfseminnar
• Stuðlar að góðu samstarfi við ýmsa aðila, s.s. foreldra, skóla, félagsþjónustu, aðrar stofnanir, aðrar félagsmiðstöðvar og frístundaheimili og samtök sem vinna að málefnum barna og unglinga
• Önnur verkefni sem yfirmaður felur starfsmanni og falla innan eðlilegs starfsviðs hans

Menntunar og hæfniskröfur:

• Háskólapróf (B.A) á sviði uppeldis og menntunarfræða, tómstundarfræði eða annað B.A nám sem nýtist í starfi
• Skipulags- og stjórnunarhæfileikar
• Framúrskarandi hæfni í samskiptum og samstarfshæfni
• Reynsla og áhugi af starfi með börnum og ungmennum
• Þekkingu á að vinna með hópastarf
• Reynsla af þverfaglegu samstarfi
• Æskilegt er að viðkomandi hafi unnið í frístundaheimili eða félagsmiðstöð
• Góð almenn tölvukunnátta
• Góð íslensku- og enskukunnátta er skilyrði

Umsóknarfrestur er til og með 10. mars 2025

Greinargóð ferilskrá fylgi umsókn.

Nánari upplýsingar um starfið veitir Dagný Kristinsdóttir skólastjóri, [email protected] í síma 664-5890 eða Valgerður Júlíusdóttir, aðstoðarskólastjóri, [email protected]

Laun eru samkvæmt kjarasamningi Sambands íslenskra sveitarfélaga og BHM.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.