Áhættustýring Deloitte (Financial Risk)
Deloitte er leiðandi þjónustuveitandi á sviði endurskoðunar og reikningsskila, upplýsingatækniráðgjafar, fjármálaráðgjafar, áhætturáðgjafar, skatta– og lögfræðiráðgjafar og tengdrar þjónustu. Alþjóðlegt net aðildarfélaga okkar og tengdra félaga spannar meira en 150 lönd og landsvæði (sameiginlega vísað til sem „félög Deloitte"). Hjá Deloitte starfa um 457.000 sérfræðingar sem stefna saman að því að veita ávallt framúrskarandi þjónustu, þar af eru 360 á Íslandi.
Starfið
Við erum að leita að sérfræðingi með áhuga á ráðgjöf í áhættustýringu (financial risk management) og með sterkan tæknilegan bakgrunn til að ganga til liðs við fjármálaráðgjöf Deloitte. Með aukinni uppbyggingu Fjármálaráðgjafar fer teymið vaxandi og spennandi tímar eru fram undan, bæði hjá innlendum og erlendum viðskiptavinum.
- Líkanagerð, álagsprófanir og rýni áhættulíkana (IFRS 9, A-IRB, SA, ICAAP og fleira)
- Greining gagna og gagnaprófanir (data quality assurance)
- Ýmis verkefni tengd útlánaáhættu, markaðsáhættu og lausafjáráhættu
- Tryggja að skýrslur fylgi stöðlum og uppfylli kröfur eftirlitsaðila
- Endurskoðun fjármálafyrirtækja
- Koma að öðrum verkefnum Fjármálaráðgjafar hjá fjölbreyttum hópi viðskiptavina
- Háskólamenntun á sviði raunvísinda, stærðfræði, verkfræði, tölvunarfræði, eða önnur menntun sem nýtist í starfi
- Þekking á fjármálaáhættu, regluumhverfi fjármálastofnana og áhættustýringarlíkönum
- Að lágmarki 2-3 ára starfsreynsla í áhættustýringu fjármálastofnana
- Kunnátta í SQL, Python og/eða öðrum forritunartungumálum
- Færni í mannlegum samskiptum, eiga auðvelt með að byggja traust sambönd við viðskiptavini
- Sterk rökfærni og hæfni til að miðla niðurstöðum á skýran og skilmerkilegan hátt
- Sjálfstæð vinnubrögð og frumkvæði
- Góð íslenskukunnátta í ræðu og riti og mjög góð enskukunnátta skilyrði
Starfsþróun þín
- Við starfsupphaf færðu leiðbeinanda sem kemur þér inn í starfið (Buddy-kerfi)
- Þú færð þjálfun og stuðning frá reyndum sérfræðingum í teyminu þínu
- Þú verður með Coach sem aðstoðar þig við markmiðasetningu og starfsþróun
- Þú lærir mikið á þeim fjölbreyttu verkefnum sem þú tekur að þér hjá viðskiptavinum í ólíkum geirum.
- Þú fylgist vel með á þínu fagsviði og við viljum að sama skapi styðja við þinn vöxt með símenntunartækifærum.
- Ef þú hefur vilja til að vaxa, metnað til að þróast í starfi og hefur færni til að setja þig fljótt inn í ólíka málaflokka, þá viljum við endilega heyra frá þér.
Að auki bjóðum við upp á:
- Frábært mötuneyti með niðurgreiddum morgunmat og hádegismat.
- Veglegan líkamsræktarstyrk, virkt starfsmannafélag og gott félagslíf
- Fyrirmyndar aðbúnað starfsfólks í nýjum höfuðstöðvum fyrirtækisins á Dalvegi
- Sjálfboðastarf til áhrifa – launaður dagur til að sinna sjálfbærniverkefnum
- Fjölbreytt áhugamál samstarfsfélaga þvert á félagið t.d. hlaupahópur, fótbolti í hádeginu, og leikjaherbergi svo eitthvað sé nefnt
English
Icelandic
