Microsoft Power Platform

Microsoft hefur undanfarin ár unnið markvisst að aukinni framleiðni fyrirtækja og einstaklinga og ein lykileiningin í því púsli er Power Platform.

Leiðbeinandi á námskeiðinu kemur frá fyrirtækinu ST2 (áður Stragile), sem er leiðandi á íslenskum markaði í notkun og innleiðingu á Power Platform, og hefur meðal annars unnið náið með þróunardeild Microsoft í útgáfuferlum þess.

Í námskeiðinu er farið yfir hagnýt dæmi um hvernig hver eining er virkjuð í daglegum rekstri fyrirtækja og rýnt í dæmi um hvernig einingarnar vinna saman sem ein heild í beinni tengingu við önnur rekstrarkerfi fyrirtækja.

Þátttakendur fá tækifæri til að setja saman smáforrit, safna með því gögnum, setja upp sjálfvirk samskipti við önnur forrit og geta dregið saman og birt gögnin á myndrænan hátt. Allt þetta er gert með því að skoða dýpra eftirtaldar einingar Power Platform:
Power Apps, Power BI, Power Automate – Flows/UI Flows (RPA) og Power Virtual Agents – Spjallmenni.
Dataverse – Gagnagrunn og Dataverse for Teams – Power Platform fellt inn í Teams.
Einnig eru sýnd dæmi um tilbúnar vörur, farið yfir uppsetningu, viðhald og umsjón kerfanna.

Fyrir hverja?
Þátttakendur með lágmarksþekkingu á tæknimálum, sem eiga í lok námskeiðs að geta sett saman smáforrit, spjallmenni og róbóta og tengt allt saman.