Mannauðsstjórnun og breytingar
Hvernig verður eiginlega þessi framtíð vinnu og hvernig þurfa dagleg störf stjórnenda að breytast til að styðja sem best við rekstur fyrirtækja á vinnumarkaði framtíðarinnar?
Námskeiðið snýst um að upplýsa um helstu áhrifaþætti á bak við breytingar sem eru að verða í vinnuumhverfinu og hvernig fyrirtæki og stjórnendur þurfa að breyta ýmsu í sinni nálgun til að styðja við samkeppnishæfni sinna vinnustaða, bæði sem fyrirtækja og vinnustaða.
Í námskeiðinu eru tekin fyrir fjölmörg atriði í þessu sambandi, svo sem:
Helstu stefnur og áhrifaþættir breytinga í vinnuumhverfi og á vinnumarkaði.
Aukin völd vinnuaflsins í vinnusambandinu.
Breytingar sem þurfa að verða á öflun umsækjenda og ráðningum.
Færni til framtíðar og breytingar á starfsþróun og þekkingarstjórnun.
Breytingar á frammistöðustjórnun, í samhengi við breyttan vinnutíma og aukna fjarvinnu.
Mikilvægi góðrar upplifunar í vinnuumhverfinu almennt og stafrænnar upplifunar í vinnuumhverfinu.
Atvinnuhæfni, fagleg hæfni og persónuleg færni.
Velsæld, fjölbreytileiki, vinnustaðamenning, traust og margt fleira.
Fyrir hverja?
Námskeiðið er fyrir alla stjórnendur og allt mannauðsfólk.
Námskaflar og tími:
- Kynning - 6 mínútur
- Vinnumarkaður framtíðarinnar - 10 mínútur
- Breytt mannauðsstjórnun og stjórnun - 13 mínútur
- Hvað þýða þessar breytingar fyrir stjórnendur? - 10 mínútur
- Hvað þýðir þetta fyrir vinnuaflið allt? - 10 mínútur
49 mínútur
Textun í boði:
Enska og íslenska
Leiðbeinandi:
Herdís Pála Pálsdóttir
Herdís Pála Pálsdóttir er reyndur mannauðsstjóri og stjórnandi. Hún er sérlega áhugasöm um og fylgist með öllu því nýjasta þegar kemur að framtíð vinnu, vinnustaða, vinnuumhverfis, vinnuafls og vinnumarkaðar. Herdís er meðhöfundur að bókinni Völundarhús tækifæranna, sem kom út í september 2021, og fjallar um breytingar á vinnumarkaði, breytt vinnusambönd, eðli vinnu og vinnustaða og fleira. Við skrif bókarinnar var gerð rannsókn á meðal íslenskra stjórnenda, mannauðsfólks og almenns starfsfólk og niðurstöðurnar fléttaðar inn í bókina.