Vöruljósmyndari og markaðsfulltrúi.

GER verslanir reka fjölbreyttar og áberandi verslanir ásamt sterkum vefverslunum á íslenskum markaði – þar á meðal Húsgagnahöllina, Dorma og Betra Bak. Við sérhæfum okkur í vönduðum vörum : húsgögnum, svefnlausnum og fjölbreyttum vörum sem fegra heimilið.Við leggjum ríka áherslu á frábæra þjónustu, fagmennsku og stöðuga nýsköpun. Markaðsstarfið okkar er skapandi, fjölbreytt og sjónrænt – með áherslu á að byggja upp sterka og einlæga ímynd vörumerkjanna okkar.Ef þú hefur brennandi áhuga á ljósmyndun, fallegri hönnun og að vinna í krefjandi umhverfi – þá viljum við fá þig með okkur í lið.

Vöruljósmyndun

• Ljósmynda vörur fyrir vefverslun og auglýsingar (stúdíó og lífstíl)
• Skipuleggja og framkvæma myndatökur í samvinnu við markaðsteymi og verslanir
• Myndvinnsla í Adobe Photoshop og Lightroom
• Halda utan um skipulagðan myndabanka og tengja myndir við vörur í vefverslun
• Tryggja gæði og samræmi myndefnis við ímynd vörumerkja

Við leitum að manneskju sem:

• Er skapandi, sjálfstæð og með góða sjónræna yfirsýn
• Hefur reynslu af vöru- og auglýsingaljósmyndun
• Er vön að vinna með Adobe forritum, sérstaklega Photoshop og Lightroom
• Hefur grunnfærni í myndbandsvinnslu (CapCut, Premiere Pro eða álíka)
• Skilur mikilvægi vörumerkjaímyndar og hvernig myndefni getur haft áhrif á sölu og upplifun viðskiptavina
• Er skipulögð/skipulagður og með góða verkferlahugsun

Við bjóðum:

• Skapandi og fjölbreytt starf þar sem þú hefur raunveruleg áhrif á útlit og framsetningu margra þekktra vörumerkja
• Samstarf við reynslumikið markaðs- og innkaupateymi
• Góðan starfsanda og faglegt umhverfi
• Sveigjanleika og tækifæri til að vaxa í starfi