EFLA hf

EFLA er leiðandi þekkingarfyrirtæki sem veitir fjölbreytta þjónustu á öllum helstu sviðum verkfræði, tækni og tengdra greina. Hjá EFLU starfa um 400 starfsmenn í samstæðu fyrirtækisins á Íslandi og erlendis. EFLA hefur á að skipa mjög hæfu og reynslumiklu fagfólki á fjölmörgum sviðum. Sameiginlegt markmið þess er að auka virði fyrir viðskiptavinina með því að veita bestu mögulegu þjónustu og lausnir.

Vinnustaðurinn

Sérfræðingur í markaðsmálum og viðskiptatengslum

EFLA leitar að öflugum og metnaðarfullum sérfræðingi í markaðsmálum og viðskiptatengslum til að taka virkan þátt í mótun og framkvæmd markaðsstefnu fyrirtækisins innan teymis markaðssetningar og miðlunar hjá EFLU.

Starfið felur í sér greiningu gagna, þjónustustýringu, hugmynda- og textavinnu, samræmingu markaðsaðgerða innan EFLU og dótturfélaga erlendis, stuðning við viðskiptatengsl og þróun þeirra.

Markaðsstarf EFLU byggir á traustum viðskiptasamböndum og markvissri miðlun sem styður við ímynd fyrirtækisins. Beinar tengingar við viðskiptavini eru veigamiklar í markaðsstarfinu en einnig er lögð áhersla á öfluga miðlun í gegnum vefsíðu og samfélagsmiðla, þar sem efni er sniðið að ólíkum markhópum og endurspeglar fjölbreytileika og sérfræðiþekkingu EFLU.

Ef þú hefur reynslu og brennandi áhuga á sambærilegum verkefnum viljum við gjarnan heyra frá þér.

Helstu verkefni og ábyrgð

Mótun og innleiðing áherslna og aðgerða í markaðsmálum EFLU.
Ábyrgð á gerð markaðsáætlana og eftirfylgni.
Þróun og samræming skilaboða fyrir ólíka markhópa, með áherslu á fyrirtækjamarkað (B2B).
Ráðgjöf og stuðningur við starfsfólk EFLU varðandi markaðsmál.
Tengiliður við dótturfélög EFLU sem starfa í Noregi, Svíþjóð, Frakklandi, Póllandi og Danmörku varðandi markaðs- og kynningarmál.
Þátttaka í viðskiptatengslum og hagnýting CRM-kerfis í markaðsstarfi.
Þjónustustýring í tengslum við upplifun viðskiptavina og eftirfylgni.
Greining gagna og markaðsrannsókna til að styðja við ákvarðanatöku.

Menntunar- og hæfniskröfur

Háskólamenntun sem nýtist í starfi, t.d. í markaðsfræði, viðskiptafræði, samskiptum eða skyldum greinum.
Reynsla af stefnumótun og framkvæmd markaðsstarfs.
Frumkvæði, hugmyndaauðgi, sjálfstæð vinnubrögð og skipulagshæfni.
Góð samskipta- og ráðgjafahæfni.
Þekking á Microsoft CRM-kerfum og markaðsgreiningum er kostur.
Hæfni til að vinna með þverfaglegum teymum og eiga í samskiptum við fjölbreyttan hóp hagsmunaaðila.
Góð kunnátta í íslensku og ensku, bæði í rituðu og töluðu máli.

Fríðindi í starfi

Góður og hollur matur í hádeginu
Vellíðunarstyrkur
Samgöngustyrkur
Hreyfistyrkur
Fæðingarstyrkur
Gleraugnastyrkur
Símastyrkur
Símaáskrift og heimatenging

EFLA er þekkingarfyrirtæki sem starfar á sviði verkfræði og tækni. 

EFLA leggur mikla áherslu á að bjóða upp á nærþjónustu um allt land og starfrækir öflugar starfsstöðvar á landsbyggðinni. Við bjóðum störf óháð staðsetningu svo starfsfólk geti búið í sinni heimabyggð hvar sem er á landinu, unnið í spennandi verkefnum og tilheyrt öflugum teymum. Um fjórðungur starfsfólks EFLU starfar á landsbyggðinni.  Við bjóðum upp á afbragðs starfsumhverfi, sveigjanlegan vinnutíma og góðan starfsanda. 

Öll starfsemi EFLU byggir á teymishugsun þar sem samvinna, þátttaka og samábyrgð í sterkri liðsheild eru grundvallaratriði. Gildi EFLU eru hugrekki, samvinna og traust og leggjum við mikið upp úr því að fá til liðs við okkur kraftmikið, jákvætt og metnaðarfullt starfsfólk sem skarar fram úr á sínu sviði. 

EFLA er jafnlaunavottað fyrirtæki og hefur unnið frumkvöðlastarf í sjálfbærum rekstri.

Nánari upplýsingar um vinnustaðinn 

Nánari upplýsingar um stefnur EFLU 

Persónuverndaryfirlýsing til umsækjenda 

Um svið og starfsstöðvar EFLU 

Auglýsing birt11. júní 2025

Umsóknarfrestur18. júní 2025

Tungumálahæfni