Avis og Budget

Bílaleiga Avis rekur rætur sínar allt aftur til ársins 1946, til borgarinnar Detroit í Michigan. Í dag er bílaleiga Avis heimsþekkt alþjóðlegt fyrirtæki sem starfar í meira en 165 löndum. Avis á Íslandi hefur verið starfandi síðan 1987 og er í dag ein stærsta bílaleiga landsins. Hjá Avis á Íslandi starfa um 100 manns um land allt með höfuðstöðvar í Reykjavík. Avis er fjölbreyttur og skemmtilegur vinnustaður sem leggur áherslu á framúrskarandi þjónustu. Fyrirtækið hlaut jafnlaunavottun 2021 og fjöldann allan af ferðaviðurkenningum.

Vinnustaðurinn

Vef- og markaðssérfræðingur

Ertu skapandi, skipulagður einstaklingur og með puttann á púlsinum í stafrænum miðlum?
Avis á Íslandi leitar að drífandi vef- og markaðssérfræðingi sem hefur góð tök á Google Ads, Meta-umhverfinu og á auðvelt með að tileinka sér og vinna í ólíkum vefumsjónarkerfum (CMS).

Heldur utan um vefmál, auglýsingaherferðir í gegnum stafræna miðla.
Starfið hentar vel markaðssérfræðingi með reynslu sem vill hafa áhrif og taka þátt í að efla sýnileika og viðveru öflugs vörumerkis í ferðamannaiðnaðinum.

Helstu verkefni og ábyrgð

Stýra og hámarka Google Ads herferðir - Leitaorðagreining, textasköpun, prófanir og skilvirk nýting á markaðsfé.
Meta (Facebook/Instagram) - Setja upp og fylgja eftir herferðum.
Textagerð og efnissköpun - Skrifa skemmtilega og áhrifaríka pósta fyrir samfélagsmiðla og annað markaðsefni (íslenska og enska).
Vefumsjón og uppfærslur - Halda vefunum uppfærðum og tryggja góða notendaupplifun.
Samvinna og verkefnastýring - Vinna með markaðsstjóra að þróun hugmynda, herferða og mælanlegra markmiða.
Greining og skýrslugerð - Fylgjast með frammistöðuvísum og útbúa skýrslur til að styðja við gagnadrifnar ákvarðanir.

Menntunar- og hæfniskröfur

Reynsla af Google Ads og Meta Business Suite er skilyrði
Góð ritfærni á bæði íslensku og ensku
Þekking á leitarvélabestun (SEO) og vefefnisgerð er kostur
Grunnfærni í hönnun er kostur.
Sjálfstæði í vinnubrögðum, skipulag og lausnamiðuð hugsun
Geta til að vinna sjálfstætt.

Öllum umsækjendum verður svarað og farið er með umsóknir sem trúnaðarmál.

Umsóknarfrestur er til 20.júní 2025

Nánari upplýsingar um starfið veitir Daníel Hansson, sölu- og markaðsstjóri, [email protected]

Bílaleiga Avis er heimsþekkt alþjóðlegt fyrirtæki sem starfar í meira en 165 löndum víðsvegar um heiminn og telur yfir 5.000 leigustöðvar.
Einkunnarorð fyrirtækisins "Við gerum betur" fela í sér skuldbindingu um að gott samband við viðskiptavini byggi á einbeittum vilja fyrirtækisins til þess að „Gera betur“ bæði hvað varðar þjónustu og fagmennsku.
Viðskiptavinir geta treyst því að Avis er bílaleiga sem er ávallt með gott úrval af nýjum bifreiðum og vinnur stöðugt að því að gera bókun á bílaleigubíl eins aðgengilega og einfalda og kostur er.

Avis bílaleiga hefur hlotið fjöldann allan af ferðaviðurkenningum og þar með fest sig í sessi sem framúrskarandi alþjóðlega bílaleiga.

Auglýsing birt2. júní 2025

Umsóknarfrestur20. júní 2025

Tungumálahæfni