Laus störf Hæfnileit Vinnustaðir Námskeið

HD Iðn- og tækniþjónusta

HD ehf. er eitt öflugasta iðn- og tækni-þjónustufyrirtækið á Íslandi og þjónustar meðal annars orku- og veitufyrirtæki, stóriðju, sjávarútveg og fiskeldi. HD er framsækið og vel rekið fyrirtæki sem sinnir fjölbreyttum og krefjandi verkefnum tengdum viðhaldi á vélbúnaði, stálsmíði og tækniþjónustu. Hjá HD starfa um 200 manns á 6 starfs-stöðvum fyrirtækisins í Kópavogi, Mosfellsbæ, Akureyri, Straumsvík, Grundartanga og Eskifirði. Fyrirtækið er vel búið tækjum og aðstöðu sem tryggir hámarks fagmennsku og skilvirkni. Okkar markmið er að veita viðskiptavinum faglega og skilvirka þjónustu sem stuðlar að auknu öryggi, áreiðanleika og hagkvæmni í þeirra rekstri. Við leggjum ríka áherslu á að skapa gott starfsumhverfi þar sem starfsmenn fá tækifæri til að þróast í starfi og vaxa með fyrirtækinu. Við styðjum framtíðar fagmenn með nemastyrkjum og erum opin fyrir hæfu, áhugasömu og metnaðarfullu fólki sem axlar ábyrgð, sýnir frumkvæði og vill taka virkan þátt í framþróun fyrirtækisins. Við veitum starfsmönnum okkar tækifæri til að þróast í krefjandi og spennandi umhverfi. Við leitum að einstaklingum sem búa yfir góðum samskiptahæfileikum, vinna vel í teymi og hafa metnað til að skila framúrskarandi starfi. Starfsmenn HD njóta meðal annars líkamsræktarstyrks og heits hádegismatar. Gildin okkar – öryggi, heiðarleiki, þjónustulund og fagmennska – eru okkur að leiðarljósi í öllum daglegum störfum.

Vinnustaðurinn

Viltu selja árangur, ekki bara vörur?

HD leitar að metnaðarfullum söluráðgjafa á Sölu- og þjónustusvið sem vill skilja rekstur viðskiptavina, finna nýjar lausnir og byggja upp samstarf sem skilar raunverulegum langtímaárangri.

Við leitum ekki að einstaklingi sem vill eingöngu selja eina vöru í einu. Við leitum að ráðgjafa sem hefur áhuga á að hitta viðskiptavini, setja sig inn í rekstur þeirra og finna leiðir til að hjálpa þeim að ná sínum markmiðum.

Viðskiptavinir okkar vilja auka rekstraröryggi, lækka kostnað og stytta viðbragðstíma. Þeir þurfa að vita að mikilvægir varahlutir séu tiltækir þegar á reynir, að fylgst sé með ástandi búnaðar og að nýjasta tækni sé nýtt til að greina vandamál áður en þau leiða til bilana eða rekstrarstöðvana.

Hlutverk okkar hjá HD er að hjálpa viðskiptavinum að ná þessum árangri.

Við seljum búnað, varahluti og sérhæfða þjónustu, en viljum vera meira en birgir. Við viljum vera samstarfsaðili sem skilur reksturinn, sér tækifærin og vinnur með viðskiptavininum til langs tíma.

Þú verður hluti af Sölu- og þjónustusviði HD og vinnur náið með viðskiptavinum, tæknifólki og sérfræðingum fyrirtækisins.

Helstu verkefni og ábyrgð

Heimsækja viðskiptavini og setja sig inn í rekstur þeirra.
Byggja upp og þróa sterk og traust viðskiptasambönd.
Greina þarfir, áskoranir og tækifæri hjá viðskiptavinum.
Tengja saman búnað, varahluti, þjónustu og tæknilegar lausnir.
Vinna með sérfræðingum HD að lausnum sem skapa mælanlegan ávinning.
Fylgja sölutækifærum markvisst eftir frá fyrsta samtali til afhendingar.
Leita nýrra leiða til að nálgast viðskiptavini og markaði.
Taka þátt í þróun þjónustusamninga og langtímasamstarfs.
Skrá og viðhalda upplýsingum um viðskiptatækifæri og eftirfylgni.
Tryggja fagleg og skilvirk samskipti við viðskiptavini.

Menntunar- og hæfniskröfur

Við leitum að einstaklingi sem sýnir frumkvæði, er forvitinn og hefur áhuga á að skilja hvernig fyrirtæki og rekstur þeirra virka.

Þú þarft ekki að þekkja allar vörur eða lausnir HD við upphaf starfs. Mikilvægara er að þú hafir vilja og getu til að læra, spyrjir góðra spurninga og getir breytt þörfum viðskiptavinarins í skýrar og raunhæfar lausnir.

Reynsla af sölu, þjónustu eða ráðgjöf.
Einlægur áhugi á markmiðum og árangri viðskiptavina.
Frumkvæði og geta til að opna ný samtöl.
Hæfni til að hlusta, greina þarfir og fylgja málum eftir.
Skipulögð, sjálfstæð og lausnamiðuð vinnubrögð.
Góð samskipta- og samstarfshæfni.
Geta til að vinna með ólíkum sérfræðingum.
Metnaður til að þróa nýjar leiðir í sölu og þjónustu.
Góð íslensku- og enskukunnátta.
Góð almenn tölvukunnátta.

Reynsla af B2B-sölu, tæknilegri sölu, iðnaði, sjávarútvegi, veitustarfsemi, viðhaldi eða sambærilegum rekstri er kostur. Við leggjum þó ekki síður áherslu á viðhorf, drifkraft og hæfni til að byggja upp traust.

Fríðindi í starfi

Fjölbreytt starf með íslenskum fyrirtækjum í krefjandi rekstrarumhverfi.
Aðgangur að öflugu teymi tæknifólks og sérfræðinga.
Tækifæri til að hafa áhrif á þróun sölu og þjónustu hjá HD.
Lausnir sem hafa bein áhrif á kostnað og rekstraröryggi viðskiptavina.
Svigrúm til að þróa nýjar hugmyndir, þjónustu og viðskiptasambönd.
Góð tækifæri til faglegs þroska og aukinnar ábyrgðar.

Aðalstarfsstöð er hjá HD að Vesturvör 36 í Kópavogi. Starfið felur í sér heimsóknir til viðskiptavina og ferðir á starfsstöðvar þeirra.

Við erum ekki bara að selja vörur. Við byggjum upp samstarf sem skilar árangri.

Ef þú vilt fara út, hitta fólk, skilja reksturinn og hjálpa viðskiptavinum að ná betri árangri viljum við heyra frá þér.

Með umsókninni viljum við að þú segir stuttlega frá því hvernig þú myndir nálgast nýjan viðskiptavin, greina þarfir hans og byggja upp traust til lengri tíma.

Farið verður með allar umsóknir og fyrirspurnir sem trúnaðarmál.

Auglýsing birt2. nóvember 2026

Umsóknarfrestur21. nóvember 2026

Laun (á mánuði)900.000 - 1.050.000 kr.

Tungumálahæfni