Vilt þú leiða Evrópuverkefni um hringrásarhagkerfi?
Hjá Umhverfis- og orkustofnun er laust til umsóknar fullt starf sérfræðings í teymi hringrásarhagkerfis, til að sjá um verkefna stjórnun Evrópuverkefnis um hringrásarmál.
Um er að ræða samstarfsverkefni 17 aðila, stofnana, fyrirtækja og sveitarfélaga. Verkefnið snýr að innleiðingu stefnunnar Í átt að hringrásarhagkerfi. Stefnan hefur meðal annars þann tilgang að koma á öflugu hringrásarhagkerfi á Íslandi, draga úr magni úrgangs, auka endurvinnslu, minnka sóun, efla nægjusemi og ýta undir ábyrga framleiðslu.
Viðkomandi mun bera ábyrgð á daglegri verkefnastýringu, samhæfingu samstarfsaðila og eftirfylgni með verkefninu. Starfið felur meðal annars í sér að halda utan um verkáætlanir og framvindu, miðlun úr verkefninu, tryggja skil á gögnum og skýrslum til styrkveitanda og vinna náið með sérfræðingum í teymi hringrásarhagkerfis og öðrum samstarfsaðilum. Verkefnið er styrkt til 6 ára.
Teymi hringrásarhagkerfis sinnir fjölbreyttum verkefnum á sviði úrgangsforvarna, úrgangsmála, umhverfismerkisins Svansins og sjálfbærrar neyslu og framleiðslu. Teymið vinnur að innleiðingu stefnu stjórnvalda um hringrásarhagkerfi í nánu samstarfi við atvinnulíf, sveitarfélög og aðrar opinberar stofnanir.
- Verkefnastýring LIFE-verkefnisins og samstarf um önnur verkefni á sviði hringrásarhagkerfis
- Samhæfing samstarfs ráðuneyta, stofnana, sveitarfélaga, fyrirtækja og annarra samstarfsaðila verkefnisins, þar á meðal skipulag funda, vinnustofa og samráðsvettvangs
- Samskipti við styrkveitanda (CINEA)
- Eftirfylgni með aðgerðum, tímaáætlunum, markmiðum og skýrslugjöf, þar á meðal gerð stöðuskýrslna og annarra gagna tengd verkefninu
- Þátttaka í þróun og innleiðingu verkefna sem styðja við hringrásarhagkerfi á Íslandi
- Miðlun um framvindu verkefnisins til hagaðila og þátttakanda verkefnisins
- Háskólamenntun sem nýtist í starfi. Til dæmis í umhverfisfræðum eða umhverfisverkfræði
- Þekking á hringrásarhagkerfi og brennandi áhugi á málaflokknum er kostur.
- Reynsla af rekstri stórra verkefna, t.d. Evrópuverkefna, er æskileg
- Reynsla af því að stýra hagaðilasamstarfi er kostur
- Mjög góð færni í íslensku og ensku, bæði í ræðu og riti
- Góð skipulagshæfni, frumkvæði og sjálfstæð vinnubrögð
- Framúrskarandi samskipta- og samstarfshæfni
- Góð greiningarhæfni og hæfni til að fylgja verkefnum eftir til árangurs
Íslenska
Enska
