Sérfræðingur í viðhaldsstjórnun / CMMS Specialist
Viltu vera í lykilhlutverki í að þróa og efla viðhaldsstjórnun hjá atNorth á Akureyri?
Við leitum að öflugum sérfræðingi sem hefur mikinn áhuga á skipulagningu og stýringu verkefna, nær að vinna vel með ólíkum hópum og fá fólk með sér, en setur jafnframt skýrar kröfur um gæði og framkvæmd.
Í þessu hlutverki verður þú lykilaðili í að tryggja gagnagæði, viðhalda skýrum ferlum og skilvirka framkvæmd viðhalds. Markmiðið er að styrkja rekstraröryggi, auka áreiðanleika búnaðar og styðja við öruggan vöxt starfseminnar.
Um starfið
Í kröfuhörðu umhverfi gagnavera, þar sem kröfur um rekstraröryggi, öryggi og áreiðanleika eru miklar, gegnir viðhaldsstjórnun lykilhlutverki.
Sérfræðingur í viðhaldsstjórnun ber ábyrgð á daglegum rekstri og uppfærslum viðhaldskerfis starfstöðvar atNorth á Akureyri.
Starfið felur í sér að halda utan um búnað og gögn, forgangsraða og skipuleggja viðhaldsverkefni og tryggja samræmda framkvæmd í nánu samstarfi við rekstur, tæknistjóra, verkefnateymi og verktaka.
Lögð er áhersla á að öryggi og gæði séu órjúfanlegur hluti af daglegri framkvæmd, með skipulögðum og öguðum vinnubrögðum.
Hefur þú áhuga?
Ef þú hefur áhuga á viðhaldi, kerfum, gagnagæðum og stöðugum umbótum, þá viljum við heyra frá þér.
- Umsjón og þróun viðhaldskerfis, með ábyrgð á gagnagæðum, uppsetningu eigna og stöðlun gagna
- Móttaka, forgangsröðun, úrvinnsla og skipulagning viðhaldsverkefna, með skýra sýn á heildarflæði og samhæfingu
- Þróun og eftirfylgni með fyrirbyggjandi viðhaldi og viðhaldsáætlunum
- Samhæfing og eftirfylgni með framkvæmd viðhaldsverkefna, bæði innan teymis og hjá verktökum
- Undirbúningur vinnuleyfa, áhættumata og verklýsinga eftir því sem við á
- Fylgja eftir lykilmælikvörðum og greina árangur, með áherslu á umbætur í ferlum og framkvæmd
- Taka þátt í þróun á verklagi, leiðbeiningum og stöðlum
- Styðja við úttektir, gæðamál og ISO-kröfur
- Þjálfa og styðja notendur í kerfinu og taka þátt í þróun á verklagi og stöðlum
- Reynslu af viðhaldskerfum (CMMS)
- Góða þekkingu á viðhaldi, eignastýringu og verkbeiðnaferlum
- Reynslu úr gagnaverum, iðnaði, orkufyrirtækjum eða öðrum tæknilegum rekstri þar sem kröfur um áreiðanleika og agaða framkvæmd eru miklar
- Greiningarhæfni og lausnamiðaða nálgun í vinnubrögðum
- Hæfni til að vinna þvert á teymi og samræma ólíka hagsmunaaðila
- Góða samskiptafærni og skipulagshæfni
- Góða kunnáttu í íslensku og ensku
- Tæknimenntun eða sambærilega reynslu
- Reynslu af fyrirbyggjandi viðhaldi og áreiðanleikastjórnun
- Góðan skilning á tæknibúnaði og rekstri innviða
- Reynslu úr rekstrarumhverfi þar sem kröfur um öryggi, HSE og agaða framkvæmd eru miklar
- Reynslu af skýrslugerð, mælaborðum og gagnagreiningu, með áherslu á umbætur og ákvarðanatöku
- Reynslu af uppbyggingu og viðhaldi gagnagæða í viðhaldskerfum
- Reynslu af á ISO-stjórnunarkerfum og gæðamálefnum
Hjá atNorth færðu tækifæri til að hafa raunveruleg áhrif á hvernig viðhald og rekstur er skipulagður í ört vaxandi alþjóðlegu fyrirtæki.
Við bjóðum upp á:
- Fjölbreytt og krefjandi verkefni.
- Gott starfsumhverfi og öflugt samstarf.
- Tækifæri til að móta staðla og verklag.
- Starfsþróun og símenntun.
- Þátttöku í rekstri mikilvægra innviða.
- Samkeppnishæf laun og góð starfskjör.
Íslenska
Enska
