Viðskiptastjóri fyrirtækjatrygginga
Arion banki leitar að öflugum og sóknardrifnum viðskiptastjóra fyrir fyrirtækjatryggingar á fyrirtækja- og fjárfestingarbankasviði. Hlutverk sviðsins er að bjóða alhliða fjármálaþjónustu, þ.m.t. vátryggingar, til fyrirtækja, stofnana og sveitarfélaga auk stýringar á fjármögnunarverkefnum. Um er að ræða starf í teymi sem sinnir tryggingaþjónustu við fyrirtæki sem eru með tryggingar hjá Verði tryggingum og gerð er krafa um gott samstarf um verkefni innan sviðsins og Varðar trygginga. Starfið getur verið í Reykjavík eða á Akureyri.
Í starfinu felast mikil samskipti við núverandi viðskiptavini, ráðgjöf um tryggingar og frekari sala á vörum samstæðunnar auk sóknar í nýja viðskiptavini. Við leitum að drifnum einstaklingi, sem tekur óhikað upp símann, gengur rösklega til verks, sem hefur áhuga á að þróa starfið og vöruframboð okkar frekar samhliða því að sinna viðskiptavinum af natni og nákvæmni
- Þjónusta, ráðgjöf og samskipti við viðskiptavini vegna fyrirtækjatrygginga
- Sala á tryggingum til fyrirtækja og greining á áhættu tengdri nýjum og núverandi viðskiptasamböndum
- Stýring og ábyrgð á viðskiptasamböndum
- Öflun nýrra viðskiptavina
- Frumkvæðissamskipti á núverandi viðskiptavini
- Ýmis tilfallandi verkefni
- Reynsla af sölutengdum verkefnum og öflun viðskiptasambanda.
- Þekking og tengsl við íslenskt atvinnulíf
- Framúrskarandi samskiptahæfni og þjónustulund
- Metnaður, drifkraftur og sjálfstæði í starfi
- Þekking á fyrirtækjatryggingum er æskileg
- Háskólamenntun sem nýtist í starfi
- Starfsreynsla í tryggingamálum er æskileg