Verkefnastjóri skipulagsfulltrúa
Sveitarfélagið Borgarbyggð leitar að drífandi og metnaðarfullum verkefnastjóra til starfa á sviði skipulagsmála, með góða heildarsýn og þekkingu á skipulags-, byggingar- og umhverfismálum.
Verkefnastjóri starfar í nánu samstarfi við skipulagsfulltrúa og ber ábyrgð á stjórnun og eftirfylgni verkefna á sviði skipulagsmála, ásamt því að vera með hæfni til að vinna þvert á fagsvið þar sem skipulags-, byggingar- og umhverfismál tvinnast saman. Starfið krefst frumkvæðis, fagmennsku og góðrar yfirsýnar yfir flókin verkefni.
- Móttaka á umsóknum í gegnum þjónustugátt Borgarbyggðar.
- Yfirferð umsókna og vinnsla fylgigagna, skráning, skjalavarsla og eftirfylgni umsókna.
- Samskipti við hagsmunaaðila, hönnuði, ráðgjafa og stofnanir.
- Undirbúningur mála fyrir nefndir og ráð og þátttaka á fundum.
- Aðkoma að breytingum á aðal- og deiliskipulögum, ásamt úrvinnslu á framkvæmdarleyfum, grenndarkynningum , og umsjón með skipulagsgátt.
- Önnur tilfallandi verkefni á sviðinu.
- Háskólamenntun sem nýtist í starfi. Skipulagsfræði, byggingarfræði, landslagsarkitektúr eða sambærilegt.
- Góð þekking og reynsla af skipulags- og opinberri stjórnsýslu er æskileg.
- Rík samskipta- og þjónustulund.
- Hæfni til að vinna sjálfstætt og í teymi, ásamt því að hafa góða skipulagshæfni og geta unnið með mörg verk samtímis.
- Góð íslenskukunnátta í ræðu og riti.
- Færni í notkun tölvuforrita.
Launakjör eru samkvæmt gildandi samningum Sambands íslenskra sveitarfélaga við viðkomandi stéttarfélag.
Með umsókninni skal fylgja starfsferilsskrá og starfsleyfi ef við á. Umsókninni skal einnig fylgja kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.
Um er að ræða 100% staðbundið starf í Borgarbyggð.
Starfssvið: Skipulags- og umhverfissvið.
Umsóknafrestur er til og með 21.júlí n.k.
Nánari upplýsingar veitir Guðný Elíasdóttir sviðsstjóri skipulags- og umhverfissviðs Borgarbyggðar, netfang [email protected]
Íslenska
Enska
