Sviðsstjóri umhverfis- og skipulagssviðs

Sveitarfélagið Vogar auglýsir eftir metnaðarfullum einstaklingi til að taka að sér fjölþætt starf sviðsstjóra umhverfis- og skipulagssviðs. Sviðsstjóri veitir sviðinu faglega og stjórnunarlega forystu og starfar í samræmi við stefnu sveitarfélagsins og lög og reglugerðir er varða starfsemina. Sviðsstjóri leiðir umbætur ferla og úrlausn verkefna til aukinnar skilvirkni og þjónustu sviðsins. Töluverð uppbygging innviða er fyrirhuguð í sveitarfélaginu og mun viðkomandi leiða þau verkefni auk virkrar þátttöku í uppbyggingar- og þróunarverkefnum.

Þetta er spennandi tækifæri fyrir stjórnanda sem vill hafa raunveruleg áhrif á þróun ört vaxandi sveitarfélags og leiða mikilvæg innviðaverkefni á komandi árum.

Helstu verkefni og ábyrgð

Veitir sviðinu faglega, stjórnunarlega og rekstrarlega forystu og ber ábyrgð á starfsemi þess
Ábyrgð á starfs- fjárhags- og framkvæmdaáætlun sviðsins
Ábyrgð á rekstri og viðhaldi mannvirkja í eigu sveitarfélagsins sem og útboðum og gerð samninga í tengslum við rekstur mannvirkja
Samskipti við bæjarstjórn, bæjarráð, fastanefndir sveitarfélagsins á vettvangi málaflokkanna, önnur sveitarfélög, stofnanir og aðra hagaðila
Kemur að mótun og framfylgir stefnu sveitarfélagsins í málaflokkum sviðsins
Vinnur að úrbótaverkefnum á sviðinu

Menntunar- og hæfniskröfur

Háskólamenntun sem nýtist í starfi
Þekking eða reynsla af verkefnum á sviði skipulags-, byggingar-, framkvæmda- eða umhverfismála er æskileg
Þekking og reynsla af opinberri stjórnsýslu og störfum hjá sveitarfélagi er kostur
Reynsla af stjórnun, stefnumótun og mannauðsmálum er kostur
Reynsla af gerð fjárhagsáætlana og rekstrarstjórnun er æskileg
Framúrskarandi leiðtoga-, samstarfs- og samskiptahæfni
Skipulagsfærni og forgangsröðun verkefna
Sjálfstæði í vinnubrögðum og frumkvæði
Góð íslensku- og enskukunnátta og hæfni til að tjá sig í ræðu og riti
Góð tölvukunnátta og áhugi á stafrænni þróun og umbótum á verkferlum
Metnaður til að leiða breytingar og ná árangri í starfi

Í Sveitarfélaginu Vogum búa um 2000 manns og er það umkringt fallegri náttúru Reykjanessins auk nálægðar við sjó með skemmtilegum gönguleiðum og fuglalífi. Sveitarfélagið er vel staðsett í nágrenni við þjónustu höfuðborgarsvæðisins og alþjóðaflugvöll en býður upp á kyrrlátt, vinalegt og fjölskylduvænt umhverfi.

Undir umhverfis- og skipulagssvið fellur starfsemi skipulags-, umhverfis-, byggingar-, umferðar- og samgöngumála og þjónustumiðstöðvar. Auk þess rekstur mannvirkja sveitarfélagsins, vatnsveitu og fráveitu. Brunavarnir og hreinlætismál eru rekin í byggðasamlagi með öðrum sveitarfélögum á svæðinu og er sviðsstjóri tengiliður þess auk samstarfs á sviði almannavarna. Sveitarfélagið hefur vaxið ört undanfarin ár sem kallar á innviðauppbyggingu sem sviðsstjóri mun leiða auk ‏þátttöku í spennandi þróunar- og uppbyggingarverkefnum sem eru í farvatninu innan sveitarfélagsins.

Umsóknum skal fylgja ítarleg ferilsskrá, auk kynningarbréfs þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið. Öllum umsóknum verður svarað þegar ákvörðun um ráðningu liggur fyrir.

Nánari upplýsingar

Geirlaug Jóhannsdóttir – [email protected]

Auglýsing birt2. júlí 2026

Umsóknarfrestur15. júlí 2026

Tungumálahæfni