Laus störf Hæfnileit Vinnustaðir Námskeið

Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Verkefnastjóri í Tómstundamiðstöð Reykjanesbæjar

Um er að ræða spennandi starf verkefnastjóra í Tómstundamiðstöð Reykjanesbæjar. Tómstundamiðstöð er líflegur og fjörugur vinnustaður. Helstu verkefni Tómstundamiðstöðvar er að halda utan um starf félagsmiðstöðva og vinnuskóla, verkefnið barnvænt sveitarfélag, forvarnarstarf, vettvangsstarf og innleiðingu tómstundastefnu Reykjanesbæjar og fleira.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Verkefnastjóri barnvæns sveitarfélags.
Vinnur að markaðsmálum fyrir Tómstundamiðstöð Reykjanesbæjar.
Tengiliður við ungmennaráð Reykjanesbæjar.
Vinnur að þróun sértæks hópastarfs.
Vinnur að stefnumótun í málaflokknum.
Tekur virkan þátt í þjálfun starfsmanna og kynningum á starfinu.
Ýmis viðburðarstjórnun á vegum Tómstundamiðstöðvar Reykjanesbæjar.
Önnur tilfallandi verkefni sem yfirmaður felur.

Menntunar- og hæfniskröfur

Háskólamenntun sem nýtist í starfi, t.d. í tómstunda- og félagsmálafræði eða önnur uppeldismenntun.
Reynsla af stjórnunarstarfi innan málaflokksins er kostur.
Reynsla af verkefnastjórnun og stefnumótun er kostur.
Starfið krefst fræðilegrar þekkingar sem byggir á kenningalegum grunni.
Þekking á réttindum barna.
Þekking á ungmennalýðræði.
Góð þekking á skipulagi, verklagi, stefnu og stjórnsýsluháttum stofnunar.
Starfið krefst færni í að greina, skapa og þróa lausnir og túlka fjölbreyttar upplýsingar eða aðstæður.
Starfsmaður þarf að vera fær um að móta áætlanir til framtíðar (meira en ár).
Góð hæfni í mannlegum samskiptum og samvinnu.
Skipulagshæfni og góð færni í ritun.

Fríðindi í starfi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um tímabundið 100% starf er að ræða til 31.desember 2026 með möguleika á framlengingu og æskilegt er að viðkomandi geti hafið störf 10.ágúst eða eftir samkomulagi.

Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf.

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Gunnhildur Gunnarsdóttir, í gegnum netfang [email protected] og í síma 4216700.

Auglýsing birt17. júlí 2026

Umsóknarfrestur31. júlí 2026

Tungumálahæfni