Verkefnastjóri í íþróttum- Stakkaborg
Leikskólinn Stakkaborg
Um áramótin 2024-2025 stækkum við Stakkaborgina og þá gefst íþróttakennara tækifæri til að bætast í hóp ört stækkandi faghóps starfsmanna Stakkaborgar.
Við verðum þá 100 barna leikskóli með áherslu á flæði, tónlist, hreyfingu og vináttu. Einkunnarorð leikskólans eru gleiði - hreyfing - vinátta. Við erum með flottan starfsmannahóp og hlökkum til að takast á við stærri skóla með nýjum tækifærum.
Vilt þú vinna á skemmtilegum og notalegum vinnustað þar sem enginn vinnudagur er eins? Viljtu vinna með starfsfólki sem leggur alúð og metnað í starfi? Þá er Stakkaborg rétti staðurinn fyrir þig.
Stakkaborgin verður 5 deilda leikskóli þar sem áhersla er lögð á leikinn. Markvisst er unnið með hreyfingu og flæði. Við erum með verkefnastjóra í tónlist og viljum bæta við verkefnastjóra í íþóttum.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.
- Skipuleggur og stýrir viðkomandi verkefni í samráði við deildarstjóra allra deilda
- Sér um að halda utan um hreyfistundir með börnum á öllum deildum í sal leikskólans og í íþróttahúsi sem leikskólinn hefur aðgang að.
- Er tengiliður við þá aðila sem tengjast verkefninu inn leikskólans sem utan.
- Sér um að gera áætlanir, mat og skýrslugerð sem tengist verkefninu.
- Annast leiðbeiningu og ráðgjöf til þeirra sem í hlut eiga
- Leyfisbréf kennara
- Mjög góð íslenskukunnátta er skilyrði - hæfin C1 samkvæmt evrópska tungumálarammanum Evópski tungumálaramminn
- Reynsla af uppeldis- og kennslustörfum með ungum börnum.
- Lipurð og sveigjanleiki í samskiptum.
- Frumkvæði í starfi og faglegur metnaður.
- Sjálfstæð og skipulögð vinnubrögð.
ÍslenskaMjög góð
