Leikskólakennari óskast til starfa

Heilsuleikskólinn Garðasel á Akranesi auglýsir eftir kennara í 100% starf. Leikskólinn er opinn frá klukkan 7:30 til 16:30 og skiptast starfmenn á að vinna á vöktum.

Garðasel er Heilsuleikskóli og leggur áherslu á hreyfingu, heilsu og gæði í samskiptum. Við leitum að áhugasömu fólki sem tilbúnir eru að vinna með stórum og öflugum starfsmannahópi af áhuga og jákvæðni. Ef ekki fæst kennari til starfa kemur til greina að ráða leiðbeinanda í starfið. Í leikskólanum eru um 160 börn á sjö deildum.

Leikskólinn er í nýju og glæsilegu húsnæði þar sem m.a. starfsaðstaða, hljóðvist og lýsing er til fyrirmyndar.