Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Verkefnastjóri byggingamála

Umhverfis- og skipulagssvið Reykjavíkur auglýsir eftir verkefnastjórum til starfa á deild byggingarmála á skrifstofu skipulags- og byggingarmála. Um er að ræða fjölbreytt starf í skapandi og faglegu starfsumhverfi þar sem teymisvinna, nýsköpun og framsækni er höfð að leiðarljósi. Á skrifstofunni starfar kraftmikið og hugmyndaríkt teymi með brennandi áhuga á margþættri vinnu að byggingarmálum, byggingaráformum og borgarþróun. Verkefnin eru fjölbreytt og umfjöllun byggingarleyfisumsókna, fyrirspurna ásamt yfirferð á aðaluppdráttum og skráningartöflum.

Við leitum að einstaklingum með áhuga á margþættri borgarþróun og byggingarmálum.

Helstu verkefni og ábyrgð

Yfirferð aðaluppdrátta, umsókna og fyrirspurna sem berast til byggingarfulltrúa.
Seta embættisafgreiðslufunda byggingarfulltrúa ásamt vinnu að drögum að fundardagskrá og tillagna um afgreiðslu mála á fundunum.
Veita ráðgjöf og leiðbeiningar til fagmanna, hönnuða og almennings sem varða byggingarmál, byggingarleyfisumsóknir og yfirferð aðaluppdrátta sem leggja á fyrir afgreiðslufundi byggingarfulltrúa og/eða fundi skipulagsráðs.
Svara fyrirspurnum varðandi athugasemdir sem gerðar hafa verið við mál á afgreiðslufundum og leiðbeina viðskiptavinum embættisins eftir þörfum.
Rýna og túlka lög og reglugerðir og vinna að starfsreglum fyrir embættið.
Ýmis tilfallandi verkefni tengd byggingarmálum borgarinnar sem falla undir verksvið skrifstofunnar.

Menntunar- og hæfniskröfur

Háskólamenntun í arkitektúr, byggingarfræði, tæknifræði eða verkfræði og hafa viðeigandi löggildingu á starfssviði. Framhaldsmenntun MA/MS eða víðtæk starfsreynsla á sérfræðisviði.
Reynsla í yfirferð og gerð aðaluppdrátta.
Metnaður og vilji til að takast á við mismunandi, fjölbreytt og krefjandi verkefni.
Skipulagshæfni, nákvæmni, öguð og sjálfstæð vinnubrögð.
Góð hæfni í mannlegum samskiptum.
Tölvufærni í notkun á algengum hugbúnaði Word, Excel og Outlook, skjalakerfum og geta til að tileinka sér notkun nýrra kerfa.
Íslenskukunnátta C1-C2 skv. samevrópskum matsramma fyrir tungumálakunnáttu.

Um er að ræða fullt starf og æskilegt er að viðkomandi geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar veita Hólmsteinn Jónasson mannauðssérfræðingur; [email protected] og Brynjar Þór Jónasson skipulags- og byggingarfulltrúi; [email protected]
Umsóknarfrestur er til og með 26. nóvember 2025.

Auglýsing birt19. nóvember 2025

Umsóknarfrestur26. nóvember 2025

Tungumálahæfni