Umhverfis- og skipulagssvið leitar að hverfaþjónustustjóra
Umhverfis- og skipulagssvið leitar að öflugum leiðtoga til að stýra hverfaþjónustu á skrifstofu borgarlandsins. Undir starfssvið hverfaþjónustustjóra fellur fagleg forysta og samræming vegna þeirra daglegu verkefna sem tilheyra þjónustumiðstöðvum borgarlandsins. Helstu verkefni eru stjórnun, stefnumótun og áætlanagerð í tengslum við rekstur og viðhald gatna, stíga og opinna leiksvæða í borginni. Um nýtt starf er að ræða en megin hlutverk hverfaþjónustustjóra verður að samræma og efla gæði þeirrar þjónustu borgarinnar sem snýr að daglegum rekstri og umhirðu borgarlandsins.
Við leitum að leiðtoga með framúrskarandi stjórnunar- og samskiptahæfni, mikla rekstrarþekkingu, ríka forystu- og leiðtogahæfileika, metnað og færni til að leiða þjónustuumbætur á nýrri starfseiningu. Um er að ræða fjölbreytt og krefjandi starf í faglegu starfsumhverfi þar sem áhersla er á þverfaglega teymisvinnu, góða þjónustu og virðingu fyrir umhverfinu. Næsti yfirmaður er skrifstofustjóri.
- Fagleg stjórnun mannauðs, fjármála, skipulags og daglegra verkefna sem heyra undir eininguna.
- Þjónustustjórnun einingarinnar.
- Leiðir áætlanagerð, skipulagningu og markmiðasetningu einingarinnar og tryggir að unnið sé í samræmi við stefnu, áherslur og markmið umhverfis- og skipulagssviðs.
- Stuðlar að öruggu vinnuumhverfi og byggir upp öfluga liðsheild og góðan starfsanda.
- Rekstur, samningamál, útboðsgerð og innkaupamál.
- Háskólamenntun sem nýtist í starfi t.d. á sviði rekstrar, viðskiptafræða, stjórnunar eða tæknigreina.
- Framhaldsmenntun sem nýtist í starfi er kostur.
- Sterk hæfni í mannlegum samskiptum.
- Þjónustuhugsun og leiðtogahæfileikar.
- Stjórnunarreynsla og hæfni til breytingastjórnunar.
- Reynsla af rekstri, fjármálum, verklegum framkvæmdum, áætlanagerð og greiningavinnu.
- Verkvit, frumkvæði og framsýni.
- Góð tölvufærni og tæknileg hæfni.
- Íslenskufærni C1-C2 skv. samevrópska tungumálarammanum og enskufærni B2-C1.
- Þekking á opinberri stjórnsýslu kostur.
Íslenska
Enska
