Laus störf Hæfnileit Vinnustaðir Námskeið

Korda

Korda varð til við sameiningu Farice, tæknihluta Neyðarlínunnar og Öryggisfjarskipta og rekur mikilvæga fjarskipta- og öryggisinnviði sem tengja Ísland við umheiminn, styðja við örugg samskipti innanlands og skapa tæknilegt bakland fyrir þjónustu sem samfélagið treystir á allan sólarhringinn og er undirstaða verðmætasköpunar í nútímahagkerfi. Félagið annast rekstur fjarskiptasæstrengja og tengir fjarskiptafyrirtæki og gagnaver við umheiminn en félagið rekur þrjá öfluga fjarskiptastrengi: IRIS, DANICE og FARICE-1. Þá hefur félagið hafið undirbúning að lagningu fjórða fjarskiptastrengsins sem sem verður nefndur AUÐUR. Þannig leikur Korda lykilhlutverk í uppbyggingu fjarskiptainnviða til framtíðar þar sem Ísland verður sífellt eftirsóknarverðari staður til rekstrar gagnavera með græna orku og hagstætt loftslag.

Vinnustaðurinn

Tæknisérfræðingur

Korda er nýtt sameinað félag Farice, Öryggisfjarskipta og tæknihluta Neyðarlínunnar sem tók til starfa 1. september síðastliðinn. Félagið sameinar rekstur mikilvægra fjarskipta- og öryggisinnviða landsins til að auka skilvirkni og styrkja rekstraröryggi. Korda annast m.a. rekstur fjarskiptasæstrengja sem tengja Ísland við umheiminn, Tetra-öryggisfjarskiptakerfisins og tæknikerfa sem styðja við starfsemi Neyðarlínunnar og viðbragðsaðila um land allt.

Korda óskar nú eftir reyndum sérfræðingi til að sinna þróun umfangsmikilla fjarskiptakerfa fyrir næstu kynslóð öryggis- og fjarskipta með áherslu á kjarnaeiningar sem munu byggja á farnetstækni. Viðkomandi gegnir lykilhlutverki í þróun og innleiðingu kerfa sem eru grundvallaratriði fyrir almannaöryggi og gefst tækifæri til að hafa áhrif og móta starfið.

Helstu verkefni og ábyrgð

Þátttaka í framþróun fjarskiptakerfa fyrir almannaöryggi til næstu kynslóðar
Þáttttaka í samþættingu nýrra fjarskiptakerfa við núverandi kerfi
Þátttaka í almennri stafrænni þróun og innleiðingu nýjunga í fjarskiptatækni ásamt net- og upplýsingaöryggi og tengingu við gervigreind
Þátttaka í tæknilegum verkefnum tengdum rekstri fjarskiptakerfa Korda
Önnur tilfallandi verkefni

Menntunar- og hæfniskröfur

Menntun sem nýtist í starfi, t.d. tækni- eða verkfræði
Reynsla af sambærilegu starfi með áherslu á farnetstækni
Þekking á uppbyggingu, samþættingu og rekstri stórra fjarskiptakerfa
Kunnátta á samskiptareglum, högun og öryggi fjarskiptakerfa
Frumkvæði og áhugi á nýjungum í fjarskiptakerfum og stafrænum lausnum
Metnaður til að gegna mikilvægu hlutverki í síbreytilegu umhverfi
Geta til að vinna bæði sjálfstætt og í hóp
Góðir samskiptahæfileikar og hæfni til að vinna vel undir álagi
Hreint sakavottorð

Korda rekur umfangsmikil upplýsingakerfi og fjarskiptabúnað um allt land með miðstöð netkerfa í Reykjavík. Starfsvettvangur er að mestu leyti í Reykjavík en starfinu geta fylgt ferðalög. Mikil áhersla er lögð á öruggan rekstur kerfa og fyrirbyggjandi viðhald. Viðkomandi starfsmaður mun fá þjálfun til að öðlast nauðsynlega þekkingu á kerfum félagsins og fá tækifæri til fylgjast með því sem er að gerast í heimi fjarskiptaneta. Hafin er vinna við að innleiða næstu kynslóðir fjarskiptakerfa sem byggja á farsímatækni og mun viðkomandi gegna lykilhlutverki í innleiðingu þeirra.

Markmið Korda er að vera traustur vinnustaður fyrir hæft starfsfólk þar sem þjónustuvilji og hröð og skjót viðbrögð fara saman. Korda leggur mikla áherslu á faglega þekkingu starfsmanna og fjárfestir í fræðslu og þjálfun með skýr markmið í huga.

Auglýsing birt28. október 2026

Umsóknarfrestur10. nóvember 2026

Tungumálahæfni