Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Þjónustu-og skipulagssvið Akureyrarbæjar

Laust er til umsóknar spennandi starf fulltrúa skipulags- og byggingarmála á þjónustu- og skipulagssviði Akureyrarbæjar. Um er að ræða fullt starf sem er ótímabundið.

Menntunar- og hæfniskröfur

Háskólapróf (B.A., B.S. eða B.Ed.) sem nýtist í starfi.

Góð almenn tölvukunnátta er nauðsynleg. Þekking á skjalakerfinu OneSystem og hönnunarforritum er kostur.

Þekking á skipulags- og byggingarmálum er kostur.

Sjálfstæð vinnubrögð og frumkvæði í starfi.

Hæfni í mannlegum samskiptum, góðir samstarfs og samskiptahæfileikar.

Hæfni til að setja fram mál í ræðu og riti á íslensku. Önnur tungumálakunnátta er kostur.

Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Helstu verkefni og ábyrgð

Annast fundarritun hjá byggingarfulltrúa og í afleysingum fyrir skipulagsráð.

Sjá um útgáfu byggingar- og framkvæmdaleyfa í samráði við byggingarfulltrúa og skipulagsfulltrúa og halda utan um greiðslu gjalda í samræmi við gjaldskrá.

Halda utan um úthlutun lóða, greiðslu gatnagerðargjalda og eftirlit með bygginga- og framkvæmdafresti lóða.

Veita almennar upplýsingar um byggingar- og lóðamál til íbúa, byggingaraðila og annarra viðskiptamanna.

Sjá um og birta upplýsingar um skipulags- og byggingarmál á heimasíðu bæjarins.

Aðstoða verkefnisstjóra skipulagsmála við undirbúning skipulagsverkefna.

Aðstoða verkefnastjóra fasteignaskráningar við undirbúning verkefna sem tengjast fasteignaskráningu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Pétur Ingi Haraldsson í síma 460-1142 eða í gegnum netfangið [email protected]

Einungis er tekið á móti rafrænum umsóknum

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 6. desember 2022.