

Tæknisnillingur í vél- og hugbúnaði
Ertu næsti liðsfélagi okkar?
Securitas á höfuðborgarsvæðinu leitar að öflugum tæknimanni til að styrkja teymið okkar. Við bjóðum upp á vinnuumhverfi þar sem samvinna, fagmennska og jákvæðni eru í forgrunni. Starfið felur í sér fjölbreytt verkefni sem tengjast lagnavinnu, uppsetningu, forritun, bilanagreiningu og viðhaldi á aðgangs- og vöruverndarhliðum ásamt öðrum kerfum deildarinnar. Þú munt vinna bæði sjálfstætt og í nánu samstarfi við reynslumikið teymi þar sem lausnamiðuð hugsun og þjónustulund skipta máli.
Ef þú...
- Hefur brennandi áhuga á tækni og nýjungum
- Sýnir frumkvæði og metnað til að takast á við krefjandi verkefni
- Býrð yfir framúrskarandi samskiptahæfni og þjónustulund
- Býrð yfir mjög góðri tölvuþekkingu
- Hefur gott vald á talaðri og skrifaðri íslensku
- Ert handlagin/nn og lausnamiðuð/aður
... þá erum við að leita af þér!
Sveinspróf í vélvirkjun eða rafvirkjun er kostur, en önnur iðnmenntun eða reynsla í sambærilegum verkefnum kemur einnig til greina.
Í boði er fullt starf sem hentar öllum kynjum sem eru með hreint sakavottorð og gilt ökuskírteini. Vinnutími er 08:00–16:00 mánudaga til fimmtudaga og styttingu vinnuvikunnar á föstudögum
Umsóknarfrestur er til og með 1. desember nk. Farið verður með allar umsóknir sem trúnaðarmál og er öllum umsóknum svarað.
Frekari upplýsingar um starfið veitir Andri Stefánsson, deildarstjóri, í síma 580-7000.
Íslenska










