Fjarskiptastofa

Fjarskiptastofa er sjálfstæð eftirlitsstofnun á sviði fjarskipta og netöryggis. Hún gegnir hlutverki landstengiliðs í netöryggismálum og leiðir samhæfingarvettvang eftirlitsstjórnvalda hvað varðar eftirlit með net- og upplýsingaöryggi mikilvægra innviða hér á landi. Stofnunin er samhæfingaraðili þegar öryggisatvik eiga sér stað og ber að horfa til almannahagsmuna þegar kemur að fjarskiptaöryggi. Stofnunin vinnur að framgangi þessara verkefna með framkvæmd áhættumata á fjarskiptamarkaði, úttekta á stjórnskipulagi upplýsingaöryggis á grundvelli fjarskiptalaga og laga um öryggi net- og upplýsingakerfa mikilvægra innviða og útgáfu leiðbeinandi tilmæla. Hjá Fjarskiptastofu starfar fjölbreyttur hópur sérfræðinga á sviði fjarskipta og netöryggis. Fjarskiptastofa leggur áherslu á að starfsmenn fái tækifæri til að sinna áhugaverðum verkefnum, þróast í starfi og viðhalda jafnvægi milli vinnu og einkalífs.

Vinnustaðurinn

Sviðsstjóri innviðasviðs

Hefur þú áhuga á að móta fjarskiptainnviði framtíðarinnar?

Fjarskiptastofa leitar að öflugum og framsýnum leiðtoga til að stýra innviðasviði - lykileiningu sem mótar tæknilega innviði samfélagsins. Hlutverk innviðasviðs er að stuðla að þróun fjarskiptainnviða og annarra innviða á ábyrgð stofnunarinnar sjá um stjórnsýslu tíðnisviðsins, númeramál, hafa yfirsýn yfir fjarskiptainnviði og samræma aðgerðir við atvikum í fjarskiptakerfum.

Starfsemin byggir á fjarskiptalögum, lögum um öryggi net- og upplýsingakerfa mikilvægra innviða NIS-lögum og lögum um Fjarskiptastofu.

Helstu verkefni og ábyrgð

Stuðla að uppbyggingu, virkni, nýsköpun og vöruframboði fjarskipta- og netkerfa.
Umsjón tíðni- og númeramála.
Stuðla að áfallaþoli fjarskipta.
Innleiðing á reglum og stöðlum er lúta að öryggi og tæknilegri virkni á starfssviði FST.
Skipulag samhæfingar fjarskiptafyrirtækja þegar áföll steðja að.
Samskipti við markaðsaðila.
Þátttaka í alþjóðlegu starfi.

Menntunar- og hæfniskröfur

Háskólapróf, gjarnan í verkfræði eða af raungreinasviði. Framhaldsnám er kostur.
Leiðtogahæfileikar og framúrskarandi samskiptahæfni.
Drifkraftur, frumkvæði og metnaður til að ná árangri í starfi.
Hæfni til að leiða samstarf og breytingar þvert á ólík fagsvið, tækni, lögfræði og hagfræði.
Reynsla af stjórnun er kostur
Góð tungumálakunnátta, bæði í rituðu og mæltu máli á íslensku og ensku.

Viðkomandi þarf að hafa hreint sakavottorð og forsenda ráðningar er að viðkomandi standist öryggisvottun á grundvelli varnamálalaga.

Hlutverk Fjarskiptastofu er að stuðla að hagkvæmri, öruggri og aðgengilegri fjarskiptaþjónustu og efla virka samkeppni á markaði. Einnig er það hlutverk Fjarskiptastofu að stuðla að og efla netöryggi.

FST starfar í síbreytilegu alþjóðlegu umhverfi og hvílir starfsemin annars vegar á alþjóðlegri þróun í fjarskiptum, upplýsingatækni og netöryggi og hins vegar á lagagrundvelli EES svæðisins. Flestir starfsmenn FST taka þátt í alþjóðlegum verkefnum.

Hjá Fjarskiptastofu starfa um 35 manns, aðallega sérfræðingar við úrlausn verkefna á sviði netöryggis, tæknimála, viðskipta og laga sem tengjast hlutverki stofnunarinnar.

Fjarskiptastofa er fjölskylduvænn og skemmtilegur vinnustaður þar sem mikil áhersla er lögð á vellíðan starfsfólks og góðan starfsanda.

Sjá einnig á www.fjarskiptastofa.is

Um er að ræða 100% starf. Byrjunartími er samkomulagsatriði. Launakjör eru samkeppnishæf og byggja á kjarasamningi fjármála- og efnahagsráðherra við viðkomandi stéttarfélag.

Nánar um ferlið:
Umsækjendur skulu senda inn ferilskrá (hámark 2 bls.) ásamt kynningarbréfi (hámark 1 bls.), á íslensku. Þar skal gera grein fyrir þeirri þekkingu, reynslu og hæfni umsækjanda sem nýtist til að sinna starfinu í samræmi við hæfniskröfurnar í auglýsingunni.

Umsóknir á erlendum tungumálum, án kynningarbréfa eða án ferilskráa verða ekki teknar til greina. Við ákvörðun um boðun í starfsviðtal verður sérstaklega horft til gæða umsóknargagna.

Gert er ráð fyrir að viðtöl fari fram í viku 40 og 41. Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtali og umsagna sem aflað er.

Við hvetjum þau sem eru áhugasöm til að sækja um starfið, óháð kyni og uppruna.

Tekið skal fram að umsóknir geta gilt í sex mánuði frá birtingu auglýsingar, sbr. reglur um auglýsingar lausra starfa nr. 1000/2019.

Sótt er um starfið á www.vinnvinn.is

Umsóknarfrestur er til og með 24. september n.k.

Nánari upplýsingar um starfið veita Jensína Kristin Böðvardóttir ([email protected]) og Auður Bjarnadóttir ([email protected]). Öllum umsóknum verður svarað að ráðningu lokinni.

Auglýsing birt12. september 2025

Umsóknarfrestur24. september 2025

Tungumálahæfni