Svarmi - Landmælingasérfræðingur

Svarmi hjálpar fyrirtækjum að mæla áhrif sín á náttúru og líffræðilegan fjölbreytileika með notkun fjarkönnunar og mælingum á jörðu niðri og hefur þróað hugbúnað fyrir fyrirtæki til þess að geta skoðað og mælt áhrif sín á náttúru og þeirra verðmæta sem þar má finna.

Við hjálpum fyrirtækjum um allan heim að taka mikilvæg skref við að uppfylla upplýsingakröfur sem fjárfestar og ný regluverk gera nú kröfu um, þar sem áhrif á náttúru og loftslag verða hluti af fjárhagslegu uppgjöri fyrirtækja. Svarmi byggir kerfi sitt og starfsemi á áralangri reynslu við að færa undirbúnings- og umhverfismatsferli stórra framkvæmda inn í stafrænt umhverfi, þar sem aukið gagnsæi og aðgengi að gögnum á bak við niðurstöður rannsókna veitir aukið traust til hagaðila, þar á meðal landeigenda, sveitarfélaga og sérfræðingum sem koma að nánara mati og undirbúningi framkvæmda. Hjá Svarma starfar fjölbreytt teymi sérfræðinga á sviði umhverfis-, verk- og tölvunarfræði, fjarkönnun, sjálfbærni fyrirtækja og viðskiptaþróunar. Svarmi hefur í gegnum árin tekið þátt í fjölda verkefna og rannsókna á sviði mælinga á umhverfinu þar sem notast hefur verði gögn úr drónum, flugvélum og gervitunglum sem og gögnum frá jörðu niðri.