Laus störf Hæfnileit Vinnustaðir Námskeið

Náttúruverndarstofnun

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar og sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Vinnustaðurinn

Svæðissérfræðingur á Norðausturlandi - aðstoðarþjóðgarðsvörður í Jökulsárgljúfrum

Náttúruverndarstofnun auglýsir laust til umsóknar starf svæðissérfræðings fyrir Norðausturland sem sinnir einnig starfi aðstoðarþjóðgarðsvarðar í Jökulsárgljúfrum í Vatnajökulsþjóðgarði. Svæðissérfræðingur gegnir hlutverki staðgengils þjóðgarðsvarðar og tekur virkan þátt í stjórnun og þróun svæðisins auk annarra friðlýstra svæða á Norðausturlandi. Leitað er að kraftmiklum einstaklingi sem vill nýta þekkingu sína og áhuga á náttúruvernd til að taka þátt í þróun náttúruverndar, samstarfi og þjónustu við gesti á svæðinu. Um er að ræða fjölbreytt og krefjandi starf þar sem frumkvæði og sjálfstæði fá að njóta sín. Starfsstöð er í Ásbyrgi.

Helstu verkefni og ábyrgð

Skipulagning landvörslu og annarra rekstrar- og mannauðsmála í umboði þjóðgarðsvarðar-svæðisstjóra á svæðinu
Ber ábyrgð á móttöku, leiðsögn og þjálfun starfsfólks
Ber ábyrgð á rekstri gestastofu, tjaldsvæðis og innkaupum
Ber ábyrgð á gæða- og umhverfismálum svæðisins
Leiðir fræðslumál svæðisins
Tekur þátt í þróun og stefnumótun svæðisins og Náttúruverndarstofnunar

Menntunar- og hæfniskröfur

Háskólamenntun sem nýtist í starfi
Mjög góð samskipta- og samstarfsfærni
Geta til að þróa hugmyndir og verklag
Frumkvæði og sjálfstæði í starfi
Áhugi og þekking á náttúruvernd og umhverfismálum
Þekking á starfsemi þjóðgarða og friðlýstra svæða er kostur
Þekking og reynsla af landvörslu er kostur
Staðþekking á Norðausturlandi, einkum Jökulsárgljúfrum er kostur
Góð þekking á íslensku og ensku

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vinsamlegast látið ferliskrá og kynningarbréf þar sem færð eru rök fyrir hæfni í starfið fylgja með umsókninni. Við hvetjum áhugasöm til að sækja um óháð kyni og uppruna. Öllum umsóknum verður svarað þegar ákvörðun um ráðningu verður tekin.

Umsóknarfrestur er til 23.mars 2026

Um Náttúruverndarstofnun

Stofnunin hefur víðtækt hlutverk í náttúruvernd, sjálfbærri þróun og vernd friðlýstra svæða ásamt umsjón með villtum dýrum og veiðistjórnun. Markmið hennar er að tryggja að náttúra Íslands njóti verndar til framtíðar. Hjá Náttúruverndarstofnun starfar samheldinn hópur starfsmanna með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarða og annarra friðlýstra svæða. Starfsstöðvar stofnunarinnar eru 16 um allt land.

Starfshlutfall er 100%

Umsóknarfrestur er til og með 23.03.2026

Nánari upplýsingar veitir

Guðrún Jónsdóttir

Þjóðgarðsvörður

Tölvupóstur: [email protected]

Auglýsing birt13. mars 2026

Umsóknarfrestur23. mars 2026

Tungumálahæfni