Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Háskólamenntaður starfsmaður á erfða- og sameindalæknisfræðideild

Við leitum eftir jákvæðum, sjálfstæðum og metnaðarfullum einstaklingi til starfa á erfða- og sameindalæknisfræðideild (ESD) Landspítala.

Á deildinni starfa um 50 einstaklingar í öflugu þverfaglegu teymi. Deildin heyrir undir rannsóknarþjónustu og þar fara fram greiningar, vísindarannsóknir, ráðgjöf og kennsla heilbrigðisstétta í faginu. ESD veitir alhliða erfðaheilbrigðisþjónustu og er eina deild sinnar tegundar á Íslandi. Vinnuandinn einkennist af samvinnu, lipurð, stuðningi og metnaði. Vinnutími er frá kl. 8-16, virka daga og æskilegt er að umsækjandi geti hafið störf sem fyrst.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

MSc. próf í náttúrufræði, lífeindafræði, lífefnafræði, líffræði eða sambærilegum greinum

Íslenskt starfsleyfi náttúrufræðings eða lífeindafræðings í heilbrigðisþjónustu

Reynsla af vinnu á klínískri rannsóknarstofu í erfðafræði

Sérmenntun og/ eða starfsreynsla á sviði erfðarannsókna er æskileg

Reynsla af notkun GLIMS rannsóknarstofukerfis er kostur

Reynsla í verklegri þjálfun nema og af vísindavinnu er æskileg

Góð íslensku- og enskukunnátta bæði í mæltu og rituðu máli

Góð almenn tölvukunnátta, góð skipulagshæfni, frumkvæði, sjálfstæði og öguð vinnubrögð

Jákvætt viðmót, lipurð í samskiptum og fagleg framkoma

Hæfni til að starfa í teymi

Helstu verkefni og ábyrgð

Þjónusturannsóknir: Sameindaerfðafræðirannsóknir og önnur verkefni tengd starfsemi deildarinnar

Kennsla og þjálfun: Þátttaka í verklegri þjálfun og kennslu starfsfólks og nema við deildina. Starfsmaður ber faglega ábyrgð og hefur umsjón með ákveðnum sérhæfðum verkefnum og/eða málaflokkum

Samskipti: Samskipti við ytri aðila m.a. tilvísanarannsóknarstofur

Gæðamál: Skil á svörum samkvæmt stöðluðum aðferðalýsingum og þátttaka í innleiðingu gæðakerfis

Gagnavinnsla: Skráning, utanumhald og úrvinnsla upplýsinga sem tengjast lífssýnum og rannsóknaniðurstöðum

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, náttúrufræðingur, lífeindafræðingur, rannsóknir,

Tungumálahæfni: Íslenska 4/5, enska 3/5

Staðsetning: Skógarhlíð, 105 Reykjavík

Nánari upplýsingar

Eiríkur Briem

Tölvupóstur: [email protected]

Auglýsing birt11. mars 2026

Umsóknarfrestur20. mars 2026

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Skógarhlíð, 105 Reykjavík

Starfstegund

Starfsgreinar

Starfsmerkingar

Fleiri störf (50)